A Dirección Xeral de Medios da Xunta de Galicia esquécese dunha boa parte dos medios dixitais

A Xunta de Galicia ven de facer público os datos das axudas promovidas e concedidas pola Dirección Xeral de Medios para empresas que realicen as súas publicacións na lingua galega, resultando moi beneficiados os grandes medios que tan só precisan realizar un 8% das súas publicacións en galego.

Ademáis unha boa parte dos medios dixitais, moitos deles de carácter comarcal ou provincial, non poden acceder a estas axudas debido ós requisitos impostos, entre eles un mínimo de 5 traballadores en activo, o que fai que moitos medios queden fora destas axudas, en beneficio dos que, ano tras ano, se levan o "pastel".

Aínda que o fin ou obxectivo destas axudas é o fomento das publicacións en galego, nas bases destas axudas se especifica que tan só será necesaria a publicación dun 8% en galego do total de publicacións, o que promove finalmente que se realice case a totalidade das publicacións en castelán, reservando un mínimo para a lingua galega.

Malia que o panorama informativo está a cambiar drásticamente de cara á información a través de medios online e dixitais, a Dirección Xeral de Medios mantén dende fai anos a mesma dinámica nas únicas axudas que dende este organismo se conceden ós medios, esquecéndose da gran variedade e importancia dos medios dixitais máis pequenos, moitas veces máis directos e en contacto coa cidadanía que os "grandes".

Infomiño.com, malia recibir máis de 2 millóns de visitas ó ano e máis dun millón de páxinas vistas cada mes, quédase fora destas axudas ó non cumprir o requisito do mínimo de 5 traballadores imposto nas bases destas axudas, tras máis 6 anos de traballo informativo, con máis dun 70% das súas publicacións en galego e máis de 32.000 publicacións realizadas neste período.

Ligazóns de interese:

http://www.xunta.gal/dog/Publicados/2016/20161230/AnuncioG0244-201216-0002_gl.html

http://www.xunta.gal/dog/Publicados/2016/20161230/AnuncioG0244-201216-0003_gl.html