A nova escola infantil de Goián abriu as súas portas con todas as súas prazas cubertas

Na visita estiveron tamén a xerente adxunta de escolas infantís do Consorcio, Carmen García Cantelo, a coordinadora da zona Pontevedra Sur, Herminia Piñón, os concelleiros de Servizos Sociais e Medio Rural de Tomiño, Cristina Martínez e Lois Vázquez, respectivamente, e o director da nova escola, José Torres.

Cunha poboación de 13.877 habitantes, 434 dos cales, teñen entre 0 a 3 anos (3,10%), o Concello de Tomiño afronta a contrución dunha nova escola infantil, situada en Goián, a segunda parroquia máis poboada da localidade (2100 hab.), despois de Santa María de Tomiño (casco urbano do Seixo e barrios), que suma na actualidade 3851 habitantes.

Ao novo centro educativo, poderán asistir 61 nenos e nenas de 0 a 3 anos, que virán a sumarse aos máis de 40 que asisten na actualidade á Escola Infantil do Seixo.

Teñen un orzamento de 610.000 euros, achegando o Concello o 40% da suma, ademais de ceder os terreos e a antiga casa médica de Goián,

A nova construción terá unha superficie útil de 466 metros cadrados, con catro aulas, sala de usos múltiples, cociña, parque infantil, patio e horta.
O proxecto contempla a utilización da antiga casa do médico, construída en pedra, como edificio administrativo, con despachos para o profesorado. Formando un círculo, construiranse catro aulas dotadas de moita luminosidade. Disporá dunha aula de usos múltiples que servirá tamén de comedor, e contará cun office-cociña para recibir e procesar as comidas de catering. No centro estará situado o patio con zona de xogos. Se manterán as palmeiras e outras plantas existentes, asociadas á paisaxe desta céntrica zona de Goián.

O Concello puxo a disposición do Consorcio a parcela da antiga casa médica de Goián, cunha superficie de 1.830 m2 e un edificio en planta baixa de 140 m2 e 78 m2 de planta alta con aproveitamento baixo cuberta de 62 m2, de titularidade municipal, libre de cargas e gravames, urbanisticamente idónea para o uso pretendido e as pertinentes licenzas municipais de obras.

A parcela foi entregada polo Concello, con todos os servizos necesarios a pé da mesma (acometidas de luz, auga, teléfono, gas), así como calquera outro de análoga natureza que sexa imprescindible para a construción do edificio (servizos de obra).

A alcaldesa de Tomiño, Sandra González, expresou a súa satisfacción pola realización desta vella aspiración do goberno municipal, que permitirá escolarizar a 61 nenos e nenas máis deste municipio, cunha poboación que se achega aos 14.000 habitantes, dos cales 434, coma xa se indicara, teñen entre 0 e 3 anos.