A ocupación hotelera en xuño foi dun 68% no Baixo Miño

Deste xeito, a comarca de Vigo tería unhas estimacións de ocupación do 97% durante o mes de xullo e do 92% durante o mes de agosto. "Trátase dun incremento moi significativo fronte ás estimacións do verán pasado, xa que estamos a falar de sete puntos máis do agardado en 2017", sinalou Carmela Silva. A Presidenta provincial asegurou que "estou segura de que imos incrementar os resultados definitivos de 2017", que foron do 87,55% na provincia (84% en xullo e 91,1% en agosto). Este optimismo estaría en sintonía con entidades como Feprohos que, informou Carmela Silva, "asegura que a ocupación media este ano será un 3% superior á definitiva acadada o verán pasado".

Ademais, con datos xa pechados, a Presidenta da Deputación de Pontevedra sinalou que a ocupación durante o mes de xuño foi do 70% na comarca de Vigo, fronte ao 68% rexistrado a nivel provincial, dun 68% no Baixo Miño e dun 65% no Condado e a Paradanta. A Presidenta resaltou que durante este mes "houbo unha elevada ocupación na cidade de Vigo" grazas en boa parte ao turismo de congresos, xa que a cidade olívica "acolleu en xuño máis dunha ducia de citas profesionais que encheron ao 100% numerosos hoteis da cidade". Carmela Silva tamén sinalou o papel líder que ten Vigo no turismo de congresos a nivel galego, xa que "durante o primeiro semestre do ano o 48% entrou polo Porto de Vigo".

Respecto ao que levamos de ano, segundo o INE de xaneiro a maio de 2018, a provincia xa recibiu a preto de 380.000 visitantes, de quen o 75% eran estatais (máis de 286.000) e o 25% restante eran persoas estranxeiras (preto de 93.000 persoas). "Nestes primeiros cinco meses do ano recibimos xa preto de 3.000 persoas máis que o ano pasado, cando nos visitaron algo menos de 376.300 persoas", informou a Presidenta. Carmela Silva sinalou que "de todas esas persoas, Vigo acolleu a máis de 142.000 das que 40.000 procedían do estranxeiro", isto é, o 28% fronte ao 21% de 2013. Estes datos sinalan que Vigo recibe ao 32,3% das persoas que visitan #PontevedraProvincia e o 9% das que visitan toda Galicia. "No 2017, a cidade rexistrou 421.000 visitantes, un ano de récord que este 2018 vai polo mesmo camiño", asegurou a Presidenta.

Peinador, fundamental no incremento da rendibilidade económica da provincia
Ademais, Peinador é un dos factores que a provincia de Pontevedra rexistre un incremento da rendibilidade económica das actividades turísticas, fronte ao descenso xeneralizado do Estado. "A provincia aumenta un 11,9% en canto a ingreso medio por habitación dispoñible e un 7,7% no emprego" e isto está ligado, informou Carmela Silva, ao turismo do interior e "á notable afluencia de turismo estranxeiro con fortes mellores da nosa conectividade aérea". A Presidenta incidiu en que "levamos tempo dicíndolle á Xunta que se aposta polo Aeroporto de Vigo terá consecuencias moi positivas para Galicia".

A Presidenta provincial resaltou que o Aeroporto de Peinador, "malia aos problemas que está a ter ultimamente co sistema antinéboa, que ninguén entende que se faga agora, rexistrou xa este ano preto de 416.500 pasaxeiras e pasaxeiros". Este ano supón un incremento do 9% respecto ao mesmo período de 2017. Deste xeito, o Aeroporto de Vigo é o que máis medra de Galicia, fronte ao 8,6% de Alvedro e o 4,6% de Lavacolla. Carmela Silva valorou que "este ano o máis seguro é que superemos a cifra do ano pasado, que foi superior ao millón da viaxeiras e viaxeiros". Peinador une #PontevedraProvincia con 16 destinos durante este verán: 9 cidades españolas (Barcelona, Bilbao, Eivisa, As Palmas, Madrid, Menorca, Palma de Mallorca, Tenerife Norte e Valencia) e 7 internacionais (Bolonia, Dublín, Edimburgo, Lisboa, Londres, Milán e París).

CARMELA SILVA ASEGURA QUE "#PONTEVEDRAPROVINCIA ESTÁ DE PARABÉNS" CUNHAS ESTIMACIÓNS DE OCUPACIÓN PARA ESTE VERÁN DE MÁIS DO 80%

A Presidenta da Deputación de Pontevedra resaltou que "queremos ser prudentes pero todo apunta a datos extraordinarios en Rías Baixas que aínda superarían o récord de 2017"

"Somos a zona de maior éxito de Galicia con incrementos continuos, o liderado do turismo de cruceiros, o aeroporto que máis crece e co maior incremento do turismo estranxeiro"

"A provincia de Pontevedra está de parabéns, con datos de ocupación extraordinarios e con datos de rendibilidade e de emprego que nos sitúan entre as provincias máis avanzadas. Non se pode pedir máis". A Presidenta da Deputación de Pontevedra, Carmela Silva, ofreceu hoxe os datos das estimacións de ocupación hoteleira en #PontevedraProvincia para o verán de 2018, que sinalan que "de media superaremos o 80%". Deste xeito, fronte ao 60% que prevé o Clúster de Turismo de Galicia para toda a comunidade, a provincia de Pontevedra situaríase entre o 80% e o 90% segundo esta entidade, cunhas estimacións dous puntos superiores ás previstas o pasado 2017.

Malia a iso, Carmela Silva lembrou que "preferimos que as nosas estimacións sexan á baixa", mesmo tendo constancia de dous factores: o primeiro, que "portais de reservas como Booking falan xa nestes momentos dun 87% para xullo, dous puntos máis que o ano pasado, e un 88% para agosto" e, o segundo, que "moitos establecementos das Rías Baixas xa nos confirmaron que teñen o 100% das prazas cubertas para os dous meses". Por todas estas cuestións, Carmela Silva asegurou que "estou segura de que imos incrementar os resultados definitivos de 2017", que foron do 87,55% (84% en xullo e 91,1% en agosto). Este optimismo estaría en sintonía con entidades como Feprohos que, informou a Presidenta da Deputación de Pontevedra, "asegura que a ocupación media este ano será un 3% superior á definitiva acadada o verán pasado".

Deste xeito, por comarcas, as estimacións que manexa a Deputación de Pontevedra serían dun 77,5% no Salnés (77% en xullo e 78% en agosto), un 75% na comarca de Pontevedra ou un 85% na do Morrazo (80% en xullo e 90% en agosto). Un dato "4% superior ao estimado para o verán de 2017", informou a Presidenta, é o da comarca de Caldas: 86% en xullo (mes de celebración do #RíasBaixasFests ‘PortAmérica' con posibilidades de chegar ao 100%) e un 85% en agosto. No caso da comarca de Vigo, a ocupación prevista é do 89,5% (87% en xullo e 92% en agosto), 7 puntos máis que o pasado verán. Para o Baixo Miño, un 91% (88% en xullo e 92% en agosto), para o Condado e a Paradanta un 84% (78% en xullo e 90% en agosto), con ata 13 puntos máis que os previstos en 2017, e finalmente un 61,5% para Deza e Tabeirós-Terra de Montes, cun 65% en xullo e un 58% en agosto. Do mesmo xeito, Carmela Silva avanzou as estimacións para setembro, que máis de dous meses antes xa se situarían no 66% na provincia, mentres que o ano pasado eran inferiores ao 60% a estas datas.

Con datos pechados, Carmela Silva sinalou que a ocupación durante o mes de xuño foi do 68% na provincia e, por comarcas, un 50% no Salnés, un 85% en Pontevedra, un 50% no Morrazo, un 81% en Caldas, un 70% na comarca de Vigo, un 68% na comarca do Baixo Miño, un 65% no Condado e a Paradanta e un 73% en Deza e Tabeirós-Terra de Montes. Sinalou a Presidenta os altos datos das cidades de Pontevedra e Vigo por mor do turismo de congresos, no caso de Pontevedra axudada tamén polas oposicións de educación e o tríatlon.

Ademais, o INE sinala que o mes de maio de 2018 "foi de récord, o mellor desde que temos rexistros", con 108.000 visitantes das cales 72.500 eran do Estado, un 1,7% máis que en maio de 2017, e 35.153 do estranxeiro, un 13,5% máis. Estes datos sinalan que, de todas as persoas que visitaron Galicia en maio, o 30% estivo en #PontevedraProvincia, "ratificámonos como a zona de maior éxito en Galicia", asegurou Carmela Silva. O turismo estranxeiro ademais medra un 50% nunha década, comparándoo con datos de maio de 2008.

Bos datos para o turismo rural e liderado absoluto no turismo de cruceiros
A Presidenta da Deputación de Pontevedra ofreceu tamén as estimacións de ocupación no turismo rural, que se sitúan no 69%, é dicir, dous puntos máis que as estimacións do verán pasado (67%). Por comarcas, as estimacións no turismo rural son do 74% no Salnés, do 55% en Pontevedra, do 91% no Morrazo, do 85% en Caldas, do 88% no Baixo Miño, do 65% no Condado e a Paradanta e do 55% no caso de Deza e Tabeirós-Terra de Montes. Carmela Silva informou de que "a provincia se sitúa á cabeza de Galicia neste negocio" e tamén que "lidera os rankings de incremento da demanda, cun 17% máis en duración da estancia media e en nivel de ocupación".

Carmela Silva tamén ofreceu datos por primeira vez de ocupación de vivendas turísticas, cunha previsión do 75% e unha ocupación do 70% durante o mes de xuño, e tamén dos cámpings da provincia: unha previsión do 77% en xullo e o 87% de agosto fronte á ocupación do pasado mes de xuño. En canto ao turismo de cruceiros, o 48% a nivel galego do primeiro semestre do ano "entrou polo Porto de Vigo, polo que a provincia tamén lidera neste tipo de turismo", sinalou a Presidenta da Deputación.

En total, segundo o INE de xaneiro a maio de 2018, a provincia xa recibiu a preto de 380.000 visitantes, de quen o 75% eran estatais (máis de 286.000) e o 25% restante eran persoas estranxeiras (preto de 93.000 persoas). "Nestes primeiros cinco meses do ano recibimos xa preto de 3.000 persoas máis que o ano pasado, cando nos visitaron algo menos de 376.300 persoas", informou a Presidenta. No pasado mes de xuño, ademais, en #PontevedraProvincia o crecemento de turismo estranxeiro foi do 13,5% respecto ao mesmo mes de 2017. "Cómpre resaltar que este tipo de turista ten maior presenza en temporada baixa, que é o noso obxectivo para desestacionalizar o destino, e polo tanto é fundamental incidir neste mercado para cumprilo", sinalou Carmela Silva.

Fronte á baixa do Estado, #PontevedraProvincia incrementa a súa rendibilidade
A Presidenta provincial resaltou algúns dos datos incluídos no barómetro de Exceltur da rendibilidade e o emprego dos destinos turísticos españois. Mentres que "no Estado detéctase unha ralentización no primeiro cuadrimestre en canto á rendibilidade económica das actividades turísticas", "hai zonas do Estado, entre as que destaca #PontevedraProvincia, nas que hai un maior crecemento". Deste xeito, a provincia encádrase como un destino de interior, de perfil cultural, que aumenta un 11,9% en canto ao ingreso medio por habitación dispoñible -o noveno lugar do Estado neste índice- e un 7,7% en emprego. "O aumento da rendibilidade turística de #PontevedraProvincia vén ligado ao turismo do interior, un dos grandes cambios que fixemos desde a nosa chegada e que está dando resultados, e tamén ligado á notable afluencia de turismo estranxeiro con fortes mellores da nosa conectividade aérea", resaltou Carmela Silva, que incidiu en que "levamos tempo dicíndolle á Xunta que se aposta polo Aeroporto de Vigo terá consecuencias moi positivas para Galicia".