A POLICÍA AUTONÓMICA INCREMENTOU EN MÁIS DUN 70 POR CENTO AS INSPECCIÓNS PARA PREVIR O CONSUMO E A VENDA DE ALCOL A MENORES

Dende a entrada en vigor da a Lei 11/2010, de prevención de consumo de bebidas alcohólicas en menores de idade, a Policía Autonómica está levando a cabo durante as fins de semana unha serie de dispositivos por toda a Comunidade Autónoma co obxectivo de velar polo cumprimento da lei e detectar a venta, consumo e subministro de alcol a menores.

Coma resultado das 5.257 inspeccións realizadas pola Policia Autonómica durante o ano pasado foron cumprimentadas 811 actas de denuncia por diferentes incumprimentos da Lei, das cales 476 foron aos locais pola venda e subministro de alcol á menores de idade, por permitir a entrada ou estancia de menores no seu interior, nos casos en que non está permitida e, nas “happy hours”, ou nas ofertas de promoción á baixos prezos de bebidas alcohólicas, que incitan a un consumo abusivo. Tamén inclúe ás infraccións en tema de cartelería, sobre á sinalización da prohibición de subministro de alcol á menores.

Hai que destacar do total das denuncias tramitadas, 335 foron a menores de idade por consumo de alcol, tanto no interior de establecementos coma na vía pública. Todas as denuncias efectuadas foron tramitadas ante a Consellería de Sanidade para continuar co expediente sancionador

Nestes dispositivos, ademais das denuncias pola infracción da Lei 11/2010, tamén se informou aos propietarios dos locais do seu contido, das actuacións que deben levar a cabo para o cumprimento da mesma e evitar o consumo de alcohol entre os menores de idade, así como, que por parte da Policía Autonómica se continuará coas actividades necesarias para velar polo cumprimento da norma.