A Xunta comprométese co sector do taxi

A conselleira de Infraestruturas e Vivenda, Ethel Vázquez, trasladoulles aos profesionais do taxi que a Xunta está comprometida a traballar conxuntamente con eles para acadar unha convivencia profesional regulada cos servizos de Vehículos de Turismo con Condutor (VTC). A responsable de Infraestruturas mantivo unha reunión cos representantes da Federación de Autónomos do Taxi de Galicia (Fegataxi) na que lles manifestou que se consensuarán as medidas para a regulación de dito sector.

Así mesmo, o Goberno galego comprometeuse á reforzar a busca de mecanismos para regulamentar o servizo de VTC, ademais de velar que se cumpra estritamente a normativa, como que estas empresas teñan oficinas de atención ao público; contar cunha base, na que terán que permanecer ata ter un servizo previamente concertado; e deberán puser o xustificante do traballo que estean a realizar e levalo no vehículo. Así mesmo, terán a obriga de que os condutores se encontren dados de alta na seguridade social e contratados a tempo completo.

Ethel Vázquez indicou que o Executivo autonómico é consciente das 6.000 familias que viven directamente deste sector, e ao tempo, da necesidade de ofrecer plenas garantías aos usuarios dos servizos de transporte en turismo.

A este respecto, informou de que a Xunta non está outorgando ningunha licenza de VTC, salvo as que está obrigada por sentencia xudicial.

A conselleira explicou que desde o seu departamento estase a traballar na mellora do regulamento da Lei do taxi, que se remitirá proximamente ao Consello Consultivo, e que se prevé que entre en vigor este mesmo ano.

Ese regulamento suporá a creación dun rexistro público de licencias de taxis e de vehículos de turismo con condutor para facilitar a inspección e ofrecer maiores garantías aos usuarios.

Tamén acordouse estudar a fórmula para que todas as autorizacións de Vehículos de Turismo con Condutor en Galicia teñan que estar identificadas con un distintivo propio, que evite fraudes, intrusismo e a competencia desleal.

Na mesma liña de avanzar no diálogo co sector do taxi e de mellorar o vínculo coa Administración, acordouse reforzar o control e inspección de infraccións e mellorar o sistema de interlocución directa.

Por parte da Federación trasladáronse á Xunta solicitudes de actuación a través de medidas de competencia estatal que a Consellería de Infraestruturas se comprometeu a presentar ante o Ministerio de Fomento.

Así mesmo, tratouse o problema do exceso de licenzas de taxi de acordo ao establecido pola Lei 4/2013, buscando a involucración de todas as administracións públicas nun plan de amortización das mesmas.

Pola súa banda, a Federación de profesionais reiterou o seu apoio ao novo Plan de transporte público, que prevé a utilización de taxis para garantir os servizos de maneira eficiente en determinadas zonas do rural.