Cores Tourís destaca que as asociacións veciñais da comarca do Baixo Miño recibiron case 304.000 euros o ano pasado para obras e equipamentos

Cores Tourís explicou que poderán solicitar estas axudas aquelas entidades (asociacións veciñais, confederacións, federacións ou unións de asociacións de veciños, comunidades de usuarios de augas e asociacións de mulleres rurais de Galicia) debidamente inscritas no rexistro de asociacións da Xunta. As solicitudes presentaranse de modo electrónico a través do formulario normalizado dispoñible na sede electrónica da Xunta de Galicia e o prazo de presentación rematará o vindeiro 20 de febreiro.

As axudas concederanse para a realización de investimentos, tanto de obra como de equipamentos. "Poderán ser obxecto de subvención os gastos ocasionados como consecuencia de investimentos realizados en inmobles de titularidade veciñal ou sobre os que a entidade solicitante ten un dereito de uso por convenio, así como os equipamentos necesarios para o seu funcionamento, así como todos os vinculados á acadar una eficaz prestación dos servizos, o que inclúe os camiños veciñais e as traídas de auga", engadiu o responsable territorial.

Cores Tourís destacou que as entidades solicitantes deberán estar debidamente inscritas no rexistro de asociacións da Comunidade Autónoma ou no libro de rexistro de augase indicou que a axuda económica que se conceda poderá acadar a totalidade do investimento realizado cun límite máximo por entidade de 12.000 euros para a realización de obras e de 5.000 euros para dotación de equipamentos.