DATOS DE VISITANTES REXISTRADOS NO BAIXO MIÑO

Entre o 1 de xuño e o 30 de setembro de 2015 a oficina de turismo do aeroporto de Peinador da Deputación de Pontevedra e de Mos recibiron un total de 4.426 visitantes.

O 40,55% dos turistas que visitaron a comarca de Vigo aloxáronse durante 7 días ou máis en Sanxenxo, Pontevedra, Santiago de Compostela, O Grove, Poio, Vigo, A Coruña, Cambados, Vilanova de Arousa e Cangas.

Este verán, Mos recibiu un total de 1.198 visitantes dos cales o 50,17% foron mulleres. A porcentaxe maioritaria de turistas tiñan idades comprendidas entre os 35 e 60 anos, procedían do noso país pero non eran galegos, chegaron a pe, aloxáronse en albergues e non coñecían o destino Rías Baixas que seleccionaron polo Camiño de Santiago.

Pola súa banda, a oficina de turismo do aeroporto de Peinador da Deputación de Pontevedra recibiu 3.228 visitantes dos cales o 51,41% foron mulleres. A porcentaxe maioritaria de turistas tiñan idades comprendidas entre os 35 e 60 anos, procedían do noso país pero non era galegos, chegaron en coche, aloxáronse en hoteis e non coñecían a provincia de Pontevedra que seleccionaron por aspectos culturais.

No que respecta á comaca do Baixo Miño, as oficinas de turismo da comarca de Val Miñor e Baixo Miño recibiron un total de 53.992 visitantes. O 40,55% dos turistas que visitaron o Val Miñor e Baixo Miño aloxáronse durante 7 días ou máis en Sanxenxo, Pontevedra, Santiago de Compostela, O Grove, Poio, Vigo, A Coruña, Cambados, Vilanova de Arousa e Cangas.

Baiona recibiu no verán de 2015 un total de 21.597  dos cales o 50,29% foron mulleres con idades comprendidas entre  os 35 e 60 anos. A porcentaxe maioritaria de turistas procedían do noso país pero non eran galegos, aloxáronse en residencias, viñeron en autobús e xa coñecían a provincia de Pontevedra que seleccionaron por aspectos culturais.

Pola súa parte, Gondomar recibiu preto de 200 visitantes dos cales o 50,27% foron mulleres. A porcentaxe maioritaria de turistas tiñan idades comprendidas entre os 35 e 60 anos, procedían de Galicia, aloxáronse en hoteis, chegaron ata a provincia en coche e non coñecían o destino que seleccionaron pola organización de eventos.

No verán de 2015, Nigrán recibiu 6.855 visitantes, un 11,8% máis que durante o mesmo período de 2014. A porcentaxe maioritaria de turistas foron mulleres con idades comprendidas entre os 35 e 60 anos, procedían do noso país pero non eran galegos, aloxáronse en residencias, chegaron en coche e non coñecían o destino que seleccionaron por aspectos culturais. O observatorio de Turismo Rías Baixas detectou un incremento do 13,06% de turistas que se aloxaron en hoteis e do 1,12% de turistas que chegaron ata a provincia en avión.

Oia recibiu un total de 4.933 visitantes este verán dos cales o 50,17% foron mulleres. A porcentaxe maioritaria de turistas tiñan idades comprendidas entre os 35 e 60 anos, procedían do noso país pero non eran galegos, aloxáronse en hoteis, viñeron en coche e non coñecían o destino que seleccionaron pola súa natureza.

Pola súa parte, ata Tui chegaron 20.424 visitantes, un 62% máis que durante o ano 2014, dos cales a porcentaxe maioritaria eran homes con idades comprendidas entre os 35 e 60 anos. A maioría dos turistas que chegaron ata Tui procedían do noso país pero non eran galegos, aloxáronse en hoteis, viñeron en coche e non coñecían o destino Rías Baixas que seleccionaron por aspectos relacionados coa cultura. O observatorio de Turismo Rías Baixas detectou entre os visitantes de Tui un incremento do 23,35% dos turistas que se aloxaron en hoteis e do 6,31% dos turistas que viñeron en avión.