ESPECIAL - LOUZÁN ENTREGA UN TRACTOR E UNHA FURGONETA AO CONCELLO DE O ROSAL E ACORDA ESTUDIAR INVERSIÓN DE 500.000 ? PARA AMPLIAR A HUMANIZACIÓN E MELLORA DA ESTRADA A LOMBA-COUSELO

O presidente da Deputación de Pontevedra, Rafael Louzán, fixo entrega  ao Concello de O Rosal dun tractor desbrozador e dunha furgoneta de vías e obras que a institución provincial concedeu ao concello dentro do seu Plan de Infraestruturas (PID).
No curso dunha visita que o presidente realizou ao concello para revisar diversas obras que a Deputación leva a cabo no Rosal, Louzán entregou un tractor, valorado en 46.358 euros, destinado ao uso en vías e camiños estreitos. Por esa razón, tén un ancho inferior a 1,6 metros con desbrozadora de cadeas e un brazo hidraúlico lateral. A furgoneta supuxo unha inversión de 38.036 euros.

Humanización ata a VR Tui-A Garda
Louzán visitou tamén as obras de mellora da estrada A Lomba-Couselo, que realizou a empresa Pérez Portela, nas que a Deputación invisteu 800.000 euros para mellorar a seguridade vial. Con este fin, urbanizou un tramo da estrada e construeu beirarrúas, aparcamentos, servizos de canalización de enerxía, alumeados, telefonía, etc. e acometeu o abastecemento de augas. Dentro desta obra, colocou tamén unha glorieta na subida a Couselo e unha ponte sobre o río Tamuxe cunha pasarela laminada, así como a sinalización integral do tramo.
Na inspección desta obra, Louzán acordou co alcalde Jesús Fernández Portela estudiar unha posible ampliación dos traballos, dos que xa está realizado o proxecto. Suporá unha nova inversión de 500.000 € para humanizar a vía ata o enlace coa VAC Tui-A Garda.

Igrexa, pavillón e depósito de Martín
Outros dos traballos inspeccionados polo presidente da Deputación foron o pavillón municipal e a igrexa parroquial nos que a institución provincial levou a cabo diversas melloras. Louzán visitou tamén as instalacións das Samaritanas de A Garda, entidade coa que a Deputación colabora en distintos asuntos como un programa de Desenvolvemento Personal da Muller ou a adquisición de cadeiras
Na entrevista mantida co alcalde, o presidente da Deputación anunciou que no Plan de Obras e Servizos a institución reparará o depósito municipal de auga potable do núcleo rural de Martín, na parroquia de Santa Mariña, cunha inversión de 112.000 euros.
Este depósito tén unha capacidade de 1.600 metros cúbicos e na actualidade presenta diversas deficiencias como gretas, falta de impermeabilización, filtracións, fisuras nas paredes e outros que ocasionan perdas de auga e problemas de salubridade. A Deputación construirá unha nova cuberta e correxirá os danos actuáis.

Fotos de Jorge Alonso Daldea