Especial - O Rosal celebrou a XXX Romancha dos Cabaqueiros e as Festas do Pilar

O Rosal acolleu a XXX edición da Romancha do Cabaqueiro e Festas do Pilar na daordaria do Rosal os días 11 e 12 de outubro de 2017.A Praza do Calvario foi, un ano máis, o lugar elexido para a realización de diferentes actividades durante os dous días de festexos.

Na xornada do 11 de outubro o Grupo Airiños do Folón amenizou a noitiña dende as 21:00h para dar paso despois o grupo folk A Roda e rematar coa orquestra A Oca Band.

O xoves 12 de outubro pola mañá tiña lugar a Misa Solemne cantada pola Coral da Agrupación Musical do Rosal con posterior procesión pola Praza do Calvario acompañada pola Banda da Agrupación Musical do Rosal.

Ás 17.30h. tiña lugar a celebración da XXX FESTA DE LEMBRANZA "OS CABAQUEIROS" que comezou coa lectura do pregón a cargo de D. RAFAEL VICENTE FERNÁNDEZ, veciño do Rosal e nado en Novás. Trala lectura do pregón realizouse, como é habitual, a representación do oficio dos cabaqueiros coa confección de tellas e ladrillos de barro de xeito artesanal.

A partir das 19.00h realizáronse diferentes actuacións de baile do alumnado da Escola de baile "Jose y Rosy" do Rosal e a continuación concerto da BANDA DA AGRUPACIÓN MUSICAL DO ROSAL.

Durante os dous días na Praza do Calvario desenvolvéronse demostracións de oficios artesanais: cesteiros, zoqueiro, canteiro, ceramista, e contouse cun stand con productos e exemplos de tella moderna.

EXPOSICIÓNS:

A Sala de Exposicións do Concello do Rosal acolleu unha exposición de debuxos e pinturas do colectivo de alumnos/as dos Cursos Municipais de Pintura do Rosal. Tamén houbo espacio para os traballos de restauración e cadros tridimensionais de Mari Hernández García.

Os visitantes puideron tamén visitar o Centro de Interpretación "OS CABAQUEIROS".