Especial - O Rosal conta cun novo Obradoiro de Emprego

O xefe territorial de Economía, Emprego e Industria en Pontevedra, Ignacio Rial, asistiu esta mañá no Rosal á inauguración do obradoiro de emprego "Mercado de San Miguel" que ten como obxectivo mellorar esta infraestrutura e formar a 20 alumnos en carpintería e construción.

Ignacio Rial estivo acompañado polo alcalde da localidade, Jesús María Fernández Portela.

Este obradoiro terá unha duración de seis meses. Durante o periodo de formación a Xunta financiará o soldo dos participantes e a súa contribución á Seguridade Social, así como o dos docentes e o dos administrativos que xestionen o proxecto. Pola súa banda, o concello encargouse da organización directa dos cursos mentres a selección dos profesionais que os levarán a cabo e a relación cos participantes dependeu dunha comisión mixta entre Xunta e o ente comarcal. "Isto pon de relevancia", tal e como subliñou o xefe territorial, "a importancia da colaboración entre institucións".

Ignacio Rial recordou que o obxectivo deste obradoiro é a contratación de desempregados que ademais de recibir un soldo adquiren unha formación teórico-práctica que lle permite acadar un certificado de profesionalidade co fin de obter unha mellor inserción laboral.

Deste xeito, o obradoiro "Mercado de San Miguel" estará dedicado a dúas especialidades: Traballos de Carpintería e Mobles con 10 alumnos e Revestimentos Continuos en Construcción con outros 10. A aportación da administración autonómica é de 180.000 euros. Durante estes meses os alumnos traballarán na renovación das infraestruturas e acados, así como na dotación de norvos servizos e conversión do mercado de San Miguel nun punto de encontró cultural e social en torno a unha compra cotiá e sostible de productos ecolóxicos de produción local.

En total, a provincia de Pontevedra contará con 29 obradoiros. "Cinco destas iniciativas corresponderán a obradoiros para menores de 25 anos que xa, o ano pasado, tiveron unha moi boa acollida", engadiu o xefe territorial.

A Consellería de Economía, Emprego e Industria destina este ano máis de 18 millóns de euros aos obradoiros de emprego, incluíndo esta cantidade unha liña de apoio específica aos menores de 30 anos para mellorar a súa inserción laboral. Destes programas mixtos de formación e emprego, cos que se poden acceder aos certificados de profesionalidade, poderán beneficiarse preto de 2.000 desempregados.

A posta en marcha destas iniciativas ven a demostrar a importancia da colaboración institucional entre administracións, que permite poñer en marcha importantes proxectos que loitan contra o desemprego.