Especial - Tomiño acolleu a terceira edición do Biomercado cargada de actividades

O pasado domingo día 24 de setembro o Concello de Tomiño puxo en marcha unha nova edición, e xa van tres, do Biomercado, no que tiveron cabida máis de 60 expositores, cunha ampla presenza de representación da alimentación saudable. 

As diferentes actividades tiveron lugar na Praza do Seixo, na súa contorna é no mercado. Así mesmo a Casa do Concello albergou diversas charlas e conferencias cunha máis que boa afluencia de asistentes.

O Biomercado consolida-se como unha cita anual para a posta em valor é dinamización do comércio local, e supón unha ratificación da aposta do concello polo benestar, a ecoloxía, a biocultura, o mercado de proximidade e a dinamización do mercado local.

A programación iniciouse coa apertura dos postos ás 11h da mañá e ao longo de todo o día desenvolveronse obradoiros relacionados coa cociña é a gastronomía, como a elaboración de almíbares, con Amparo Grandío, extracción de mel por Apícola Requeira, comida vegana, etc. Ademáis importantes e interesantes charlas de temas diversos como a Vespa velutina a cargo de Claudio Fraga, minicharlas sobre compra saudable, plantas silvestres, interpretación nutricional da etiquetaxe a cargo de Silvia Méndez, etc.

Simultaneamente houbo actividades lúdicas tales como música en directo, zumba, cociña infantil, maxia, e unha intensa actividade de oferta degustativa. A presenza da choiva ao mediodía non desmereceu para nada a celebración do evento, os asistentes desfrutaron dunha gran xornada no Seixo e aproveitaron toda a oferta para pasar esta xornada e aprender dacociña saudable e dos productos Bio.