II PLAN PROVINCIAL DE CONSERVACIÓN E FUNCIONAMENTO DE BENS E SERVIZOS MUNICIPAIS NO CONCELLO DO ROSAL

Dende o 1 de novembro prestan servizos no concello do Rosal 23 traballadores/as que foron contratados a través dunha subvención denominada II Plan Provincial de Conservación e Funcionamento de Bens e Servizos Municipais e que ven a dar continuidade ó anterior Plan polo que xa se contratara a 24 traballadores entre marzo e setembro de 2015.
Nesta ocasión a axuda concedida é para a contratación durante dous meses de oito oficiais para revalorización de espazos públicos, un electricista, un pintor, un fontaneiro, un conductor, un limpador, catro peóns de limpeza viaria e recollida de lixo, dúas auxiliares administrativos, dúas auxiliares de axuda no fogar e dúas conserxes.
A Deputación Provincial de Pontevedra concedeu unha subvención por importe de 46.712,64 euros para os custes salariais e de seguridade social, achegando o concello do Rosal o importe correspondente a outros gastos como indemnizacións por fin de contrato, roupa de traballo, recoñecementos médicos, etc.
Os requisitos establecidos pola Deputación para a contratación deste persoal é que se tratara de desempregados que non cobrasen ningunha prestación ou que cobrasen algunha destinada a garantir os recursos mínimos de subsistencia.