Máis de 500 vivendas de Tomiño notarán unha notable mellora no subministro de auga

Deste xeito, un total de 500 vivendas do núcleo urbano, que contan co servizo municipal de abastecemento de auga, resultarán beneficiadas con esta mellora, posibilitada pola posta en funcionamento dun novo grupo de presión, financiado a partes iguais pola empresa concesionaria e o Concello.

Segundo explica o concelleiro de Obras, Francisco Campo Lago, usuarios e usuarias da zona do Seixo, notarán una notable mellora na calidade do subministro, pasando do 2 e 2,5 ao 3,5 ou 4 kg., en función do emprazamento da vivenda ou local. A nova bomba de presión, permitirá tamén, que poidan aboarse as casas ou comunidades que aínda non contan co servizo de abastecemento de auga, co que se beneficiarían máis de 1300 habitantes da zona do Seixo e arredores.

O concelleiro lembra a conveniencia de revisar o sistemas de distribución de auga, tanto no caso das comunidades de veciños, coma no de vivendas unifamiliares.

Co fin de colaborar na difusión desta importante mellora para a veciñanza tomiñesa, o Concello vén de publicar un bando municipal sobre o tema.

Para máis información, recoméndase chamar aos teléfonos 911 779 126 ou 911 779 123 (atención técnica da empresa responsable do subministro. Aqualia).