O GOBERNO MUNICIPAL DE TOMIÑO LAMENTA QUE O CDT ESTEA EN CONTRA DE CREAR PRAZAS DE APARCAMENTO PARA O COMERCIO DE TOMIÑO

O partido político CDT, que gobernou co BNG na pasada lexislatura en Tomiño e nesta presentouse na candidatura do PP, ven de solicitar no Concello que non cree máis zonas de estacionamento de vehiculos no Seixo.
O Concello de Tomiño está tramitando a creación dun novo aparcadoiro municipal no entorno da rúa Guarda para satisfacer as necesidades e demandas dos comerciantes e veciños da zona. O goberno local de Tomiño lamenta que o CDT intente facer política xogando co pan do pequeno comercio tomiñés para quenes é necesario este aparcamento e todos os que poida crearse para favorcer que os veciños e veciñas merquen en Tomiño.
Uxio Benitez, concelleiro de Urbanismo, lamenta a incoherencia e inestabilidade do partido CDT. "Non se entende tanto cambio de criterio pois cando estaban gobernando no 2008 aprobaron crear o primeiro aparcadoiro que supuxo 200 prazas de estacionamento e agora, por motivos políticos, están en contra deste segundo aparcadoiro para a zona da Rúa A Guarda que suporá máis de 200 novas prazas". Asimesmo, o concelleiro aclara que ante a petición de solución de estables do CDT "resulta que nesta lexislatura o goberno acometeu, co CDT votando en contra, a apertura dunha nova rúa no Seixo con creación de espazos públicos e 200 prazas de aparcamento definitivas".
Respecto das acusacións de "al margen del Plan General de Ordenación Municipal y seria una clara prevaricación urbanística", o concelleiro de Urbanismo lamenta a desinformación ou mala fé na explicación de legalidade urbanística e insta ao CDT que antes de sacar notas de prensa se asesoren nos servizos técnicos e xurídicos municipais que están tamén ao seu servizo. Antes de facer nengún contacto con ningún veciño, o departamento de urbanismo informou da legalidade urbanística deste aparcadoiro, pois a zona de cuestión está catalogada no Plan Xeral como Solo Rustico Común apto para urbanizar, e o uso de estacionamento de vehículos neste tipo de solo está permitido e é de competencia municipal, tal e como asi estabelecen o artigo 33.1, artigo 36 e o artigo 102 da LOUGA.