O Plan Concellos da Deputación de Pontevedra supón un investimento de case 15 millóns de euros no Baixo Miño

En concreto, ao abeiro da liña 1 de investimentos, a Deputación de Pontevedra xa xestionou 172 actuacións por valor de preto de 8 millóns e medio de euros. Máis polo miúdo, realizáronse achegas para levar a cabo 11 actuacións de saneamento por un total de máis dun millón de euros, 7 de pavimentación e renovacións de rúas por máis de 285.000 euros, 68 de adquisición de bens e equipamentos por máis dun millón de euros e 86 de novas infraestruturas e mellora de edificacións municipais por preto de 6 millóns de euros.

En canto ás obras de saneamento foron 4 concellos da comarca do Baixo Miño os que beneficiáronse das achegas do Plan Concellos da Deputación. Concretamente Oia puido levar a cabo 6 actuacións por un importe de 189.950,47 euros como o saneamento en Pedornes e o abastecemento na vila; O Rosal realizou unha actuación no tratamento de augas no deposito de auga de Martín por 152.261,56 €; Tomiño, tres actuacións por 671.352,06 € entre as que destaca o saneamento para os núcleos de Camiño Novo, Pazos, Rexidouro e A Val e a conexión co saneamento de Tomiño, e Tui levou a cabo a separación de augas pluviais e a reparación de beirarrúas na estrada Baiona por 78.602,96 euros.

Pola súa banda, foron 2 concellos os que empregaron os cartos do Plan Concellos para realizar obras de pavimentación e renovación de rúas. Tomiño realizou dúas actuacións por un valor de 49.231,89 euros, sendo a máis destacada a pavimentación dun viario municipal no Seixo, e Tui levou a cabo cinco actuacións por un total 236.728,29 euros entre as que destaca a mellora da pavimentación do vial que une os núcleos das Chans e Circos.

Para a adquisición de bens e equipamentos foron os 5 concellos do Baixo Miño os que solicitaron o investimento da Deputación de Pontevedra ao abeiro do seu plan provincial. Concretamente A Guarda recibiu 17 achegas destas características por un total de 347.477,33 euros; Oia, 21 por 203.307,99 €; O Rosal, 16 por 143.031,18 €; Tomiño, unha por 56.446,50 €, e Tui, 13 por 383.347,46 euros.

Amais, coa liña 1 de investimentos, foron 5 os concellos que beneficiáronse de actuacións de novas infraestruturas e mellora de edificacións municipais. A Guarda levou a cabo 22 actuacións por un importe de 1.128.464,43 euros entre as que destaca a reposición do céspede do Campo de Fútbol da Sagriña; Oia realizou dez por 437.564,64 €, sendo a máis destacada a actuación integral no Camiño de Refoxos; O Rosal puido acometer 11 actuacións por 770.277.03 € como a mellora e reparación do Auditorio Municipal; Tomiño, 17 actuacións por un valor de 2.138.330,40 euros entre as que destaca a mellora nos camiños municipais, e Tui 26 actuacións por valor de 1.513.281,49 € como o acondicionamento e ampliación da edificación para uso de comedor escolar do colexio.

No relativo á liña 2 de amortizacións, pagamento de débedas e gastos correntes catro concellos da comarca do Baixo Miño levaron a cabo 79 actuacións por valor de 776.876,22 euros. Máis polo miúdo A Guarda, ao abeiro desta liña 2, recibiu 41 achegas por un total de máis de 300.000 euros; Oia, 12 por máis de 171.000 euros; O Rosal, 16 por máis de 200.000 euros, e Tui, 10 por máis de 100.000 €.

Por último, a liña 3 de emprego do Plan Concellos da Deputación de Pontevedra serviu para que os cinco concellos do Baixo Miño puideran contratar nestes tres anos a 280 traballadoras e traballadores cun investimento de 2.550.817,11 euros. Así, con estas achegas da institución provincial, desde a creación deste plan, A Guarda puido contratar a 59 traballadoras e traballadores; Oia, a 36; O Rosal, a 45; Tomiño, a 75, e Tui contratou a 65.