O PP cuestiona que o Concello de Tomiño teña facturas pendentes coa SGAE desde 2014 mentres esixe ás comisións de festas o pago á entidade para recibir autorización

-O Partido Popular de Tomiño critica a “hipocrisía” do Goberno local ao esixir ás comisións de festas locais o pago dos dereitos de autor á SGAE para recibir a autorización para as celebracións, mentres que o Concello de Tomiño ten facturas pendentes con esta entidade desde o ano 2014.

-A modificación de credito de 12.100euros non conta con informe favorable de Intervención.

O voceiro dos populares, Esteban González, cuestiona a facilidade coa que o Goberno nacionalista esixe aos demais o que el está incumprindo de xeito reiterado. De feito, indica que non se pagaron as facturas por espectáculos e eventos organizados pola administración local desde o ano 2014.

“Unha negativa a pagar as facturas emitidas pola SGAE que se asumiu finalmente o ano pasado, ante a ameaza real dunha demanda xudicial”.Esta situación obrigou ao goberno de Sandra González a levar no pleno deste 12 de xaneiro unha modificacion extraxudicial de crédito por un importe de 12.100 euros, con informe desfavorable da interventora municipal por incumprir a legalidade vixente; sendo aprobada só cos votos do goberno do BNG, levantando o reparo a dita modificación de credito. Algo  o que o goberno local xa nos ten acostumados e que esconconde ante os medios de comunicación, condo non é do seu intesese, recalca o portavoz Esteban González.

Esta situación, continua, contrasta co que se lles esixe ás comisións de festas locais. “Mentres o Concello de Tomiño non pagaba a SGAE polas actuacións organizadas nos últimos seis anos, o Goberno local si esixiu ás comisións de festas que pagasen á SGAE como requisito obrigatorio para poder celebrar as festas; xustificando a señora alcaldesa, Sandra González, que o esixe a Lei de Espectaculos de Galicia. Unha afirmación completamente falsa xa que dita Lei galega non recolle tal requisito que si obriga a Lei estatal de Propiedade Intelectual, demostrando unha total irresponsabilidade intentado culpar a Xunta de Galicia, remata Esteban González.