O PP de Tomino propón unha nova ordenanza fiscal sobre bens inmobles -máis xusta- para os veciños

O candidato do Partido Popular de Tomiño, Esteban González Miranda, considera que chegou o momento de realizar unha modificación da actual ordenanza fiscal que se aplica neste concello.

Cabe recordar que esta ordenanza foi aprobada no pleno da corporación o 28 de agosto de 2008 sendo alcaldesa a nacionalista Sandra Gonzalez. "Este IBI está obsoleto a día de hoxe e non se axusta a realidade socio económica de Tomiño", asegura o líder dos populares de Tomiño.

O partido popular de aquel entonces xa advertiu no 2008, cando se levou a modificación do catastro, do impacto económico que suporía para as familias, "xa que o valor catastral aprobado era moi superior a realidade económica do momento", engadiu Esteban González Miranda. "Unha vivenda de aquel entón, que rondaba os 35.000 ou 40.000 euros, pasou a ser valorado nuns 80.000 segundo esta ordenanza". Así, as familias que pagaban 40 euros gobernando o PP, coa revisión catastral do 2008, realizadapolo BNG, pasaron a pagar 260.

Os populares aseguran que a súa proposta "para mellorar a economía dos veciños, aos que inxustamente se lles está a cobrar de máis sen ter os servizos básicos", pasaría por modificar a actual ordenanza e adaptala á Lei de Facendas Locais de 2004 e ao real decreto 2/2004 do 5 de marzo. Ademáis, tamén apoian os populares a aplicación da bonificación de tipos, algo que a día de hoxe non se contempla na actual ordenanza, como a bonificación de ata o 90% para has familias numerosas, progresivamente en 4 anos; de ata o 30% de aqueles bens inmobles que aproveiten a enerxías limpas ; de ata o 30% da cota íntegra do imposto, aplicada progresivamente en 4 anos, naquelas parroquias que teñen un nivel de servizo básico baixo como o saneamento (algo que sucede en parroquias como Taborda, Amorín ou Sobrada, por exemplo); bonificación de carácter obrigatorio para aqueles promotores de bens inmobles, como empresa; e unha bonificación do 30% para vivendas de nova construción coa tipoloxía de vivenda oficial. "Esta é a nosa proposta", rematou Esteban González Miranda. "É concreta, factible e real, e permitiría que dunha vez por todas se fixera xustiza cos nosos veciños".