O PP DE TOMIÑO SOLICITA QUE O CONCELLO ELABORE UN CONVENIO COA XUNTA PARA LOITAR CONTRA A PRAGA DAS PALMEIRAS

Ademais desta moción, o grupo municipal do PP tamén presentou a debate, coincidindo coa conmemoración do 25 de novembro, un acordo para organizar actividades de coeducación, prevención e sensibilización da violencia de xénero entre o alumnado e coa colaboración dos centros escolares do municipio. A moción tamén recollía a elaboración dun plan de igualdade no ámbito educativo, co obxecto de que sirva de referente a toda a comunidade escolar en materia de coeducación e prevención da violencia de xénero, desde unha perspectiva estrutural, integral e transversal. Finalmente esta moción foi consensuda entre todas os partidos.

Outra das propostas presentadas polo grupo popular, e que foi aprovada por toda a Corporación Municipal, propoñía accións orientadas a promocionar o consumo da leite 100% galega. O PP defendeu unha moción que, dada a situación actual do sector leiteiro, pretende aumentar o consumo e diferenciar os produtos lácteos galegos no mercado. Entre os acordos inclúese solicitar á Xunta de Galicia a adhesión á campaña promocional "Galega 100%"; promover accións, xunto a colectivos sociais e empresariais, para levar a cabo accións de promoción da leite galega entre os consumidores; promocionar o leite entre os hostaleiros; ou solicitar á Deputación de Pontevedra que elabore un plan de apoio ao sector lácteo para mellorar a calidade do leite nas explotacións gandeiras en colaboración coas cooperativas, e de forma coordinada con outras axudas que se acheguen desde a Unión Europea, o Ministerio de Agricultura, Alimentación e Medio Ambiente ou a Consellería do Medio Rural.