O PP GOBERNARÁ EN 29 CONCELLOS DA PROVINCIA

O Partido Popular ofrecerá gobernos estables en 29 dos 62 concellos da provincia, o que significa o 46,7% das alcaldías.
Trala constitución das corporacións locais, a falta de Caldas de Reis que se constitúa o próximo 3 de xullo por estar pendente de recurso, o PP gobernará con maioría absoluta en 27 concellos e en minoría en 2 dos 17 municipios nos que foi a forza máis votada.
Os populares gobernarán en minoría en Redondela e Portas, onde non fructificaron os acordos de outras forzas políticas locais para impedir que gobernara a lista máis votada. Unha decisión responsable e coherente de partidos de ámbito local que decidiron absterse ou votarse a sí mesmos e que permitiu polo tanto que tomasen posesión como alcaldes, Javier Bas en Redondela e Víctor Estévez en Portas.
Aínda que por lóxica democrática debería gobernar o partido que gañou as eleccións, en 15 dos 17 concellos nos que o PP obtivo a maioría simple, o único obxectivo dos restantes partidos foi impedir que o PP gobernara, o que provocou que se tivesen que formar gobernos de 2, 3 e ata 4 partidos diferentes, deixando como único partido da oposición, nalgún caso, ao Partido Popular.
Isto vai provocar, a criterio dos populares, un claro foco de inestabilidade e unha situación de ingobernabilidade e inseguridade para os próximos 4 anos.
Unha evidencia é que ata 22 partidos diferentes estarán representados nos gobernos destes 15 concellos.