O presidente da Xunta nomea o Goberno Galego

O presidente da Xunta, Alberto Núñez Feijóo, asinou, o pasado sábado o decreto de nomeamento dos membros do Executivo, que queda conformado do seguinte xeito:

1-. Vicepresidente e conselleiro de Presidencia, Administracións Públicas e Xustiza. Alfonso Rueda Valenzuela

2-. Conselleiro de Facenda. Valeriano Martínez García

3-. Conselleira de Medio Ambiente e Ordenación do Territorio. Beatriz Mato Otero

4-. Conselleira de Infraestruturas e Vivenda. Ethel Vázquez Mourelle

5-. Conselleiro de Economía, Emprego e Industria. Francisco Conde López

6-. Conselleiro de Cultura, Educación e Ordenación Universitaria. Román Rodríguez González

7-. Conselleiro de Sanidade. Jesús Vázquez Almuiña

8-. Conselleiro de Política Social. José Manuel Rey Varela

9-. Conselleira do Medio Rural. Ángeles Vázquez Mejuto

10-. Conselleira do Mar. Rosa Quintana Carballo

VICEPRESIDENTE E CONSELLEIRO DE PRESIDENCIA, ADMINISTRACIÓNS PÚBLICAS E XUSTIZA. ALFONSO RUEDA VALENZUELA

Naceu no ano 1968. Está casado e ten dúas fillas. É licenciado en Dereito pola Universidade de Santiago e ten o diploma de Directivo da Xunta de Galicia. Funcionario de Administración Local, con habilitación nacional, categoría superior.

- Foi secretario nos concellos de Cervantes, A Cañiza, e Cambados e secretario-interventor da Mancomunidade da Paradanta

- Ocupou os cargos de xefe do Gabinete da Consellería de Xustiza, Interior e Relacións Laborais e de director xeral de Administración Local da Xunta de Galicia

- É presidente provincial do Partido Popular de Pontevedra

CONSELLEIRO DE FACENDA. VALERIANO MARTÍNEZ GARCÍA

Naceu en Aldán (Cangas) en 1961, é licenciado en Ciencias Económicas e Empresariais pola Universidade de Santiago de Compostela e diplomado en Xestión de Xerencia Hospitalaria pola Escola de Alta Dirección e Administración.

- Desde 1985 é funcionario do corpo superior de administración xeral da Consellería de Economía e Facenda

- Ata o seu nomeamento como conselleiro de Facenda en febreiro de 2015 exerceu como secretario xeral da Presidencia da Xunta de Galicia

- Anteriormente, entre outras responsabilidades, foi director xeral de Recursos Humanos do Sergas, director xeral de Transporte e auditor do Consello de Contas de Galicia

CONSELLEIRA DE MEDIO AMBIENTE E ORDENACIÓN DO TERRITORIO. BEATRIZ MATO OTERO

Naceu no ano 1965. É enxeñeira industrial con especialidade en Organización Empresarial pola Escola Técnica Superior de Enxeñeiros Industriais de Bilbao. Ten o Máster de Dirección e Administración de Empresas (MBA) pola Escola de Negocios MBA homologado pola Universidade da Coruña.

- Técnico de Sistemas na multinacional IBM

- Técnico comercial da multinacional RANK XEROX ESPAÑA S.A.

- Técnico do departamento de calidade na empresa de enxeñería NORCONTROL S.A.

- Formou parte do Igape, o Instituto Galego de Promoción Económica, onde puxo en marcha a Unidade de Información Empresarial adscrita ao mesmo e foi delegada da súa oficina territorial na Coruña

- Foi delegada provincial da Consellería de Pesca e Asuntos Marítimos na Coruña

- Como deputada no Parlamento de Galicia, na VII Lexislatura ocupou a Portavocía de Traballo

CONSELLEIRA DE INFRAESTRUTURAS E VIVIENDA. ETHEL VÁZQUEZ MOURELLE

Nacida en Santiago de Compostela hai 41 anos, Ethel Vázquez Mourelle é enxeñeira de Camiños, Canais e Portos pola Universidade da Coruña.

- Desde setembro de 2010 ata o seu nomeamento como conselleira en xuño de 2014 foi directora da Axencia Galega de Infraestruturas (antes Dirección Xeral de Infraestruturas)

- Con anterioridade foi presidenta de Augas de Galicia e da EPOSH (maio 2009 - setembro 2010), organismo no que traballou desde o ano 2003

CONSELLEIRO DE ECONOMÍA, EMPREGO E E INDUSTRIA. FRANCISCO CONDE LÓPEZ

Naceu en Monforte de Lemos en 1968. É licenciado en Ciencias Económicas e Empresariais pola Universidade Complutense de Madrid e doutor en Ciencias Económicas e Empresariais pola mesma universidade. Foi profesor da Universidade CEU San Pablo entre 1995 e 2009, onde ocupou diferentes responsabilidades:
- Director da Aula de Estudos Europeos Robert Schuman
- Secretario do Instituto de Estudos Europeos
- Vicedecano da Facultade de Ciencias Económicas e Empresariais de 2002 a 2004
- Director de Relacións Internacionais de 2004 a 2005
- Vicerreitor de Relacións Internacionais de 2005 a 2009
- Foi asesor do presidente da Xunta de Galicia de 2009 a 2012

CONSELLEIRO DE CULTURA, EDUCACIÓN E ORDENACIÓN UNIVERSITARIA. ROMÁN RODRÍGUEZ GONZÁLEZ

Nado en Lalín en 1968, é doutor en Xeografía pola Universidade de Santiago de Compostela, na que se licenciou con premio extraordinario e onde é profesor titular. Posúe un título de Máster en Desenvolvemento Local.

- É deputado autonómico e desempeñou o cargo de viceportavoz no Grupo Parlamentario Popular, así como portavoz nos eidos de Educación e Ordenación do Territorio

- Formou parte da corporación local de Lalín como tenente alcalde

CONSELLEIRO DE SANIDADE. JESÚS VÁZQUEZ ALMUIÑA

Naceu en Baiona en 1962. É licenciado en Medicina e Cirurxía Xeral pola Facultade de Medicina da Universidade de Santiago de Compostela. É especialista en Medicina Familiar e Comunitaria, experto universitario en Admisión e Documentación Clínica pola Universidade Complutense de Madrid e ten un Máster en Dereito Sanitario pola Universidade da Coruña.

- Foi alcalde de Baiona entre os anos 2004 e 2015 e deputado provincial en Pontevedra desde 2003 ata 2015

- Foi director provincial do Sergas de Pontevedra, así como director-xerente, coordinador do servizo de Admisión, Documentación Clínica e Atención ao Paciente e médico do Servizo de Admisión do hospital Meixoeiro

- Con anterioridade, foi coordinador dos servizos de Arquivo e Documentación Clínica e Atención ao Paciente en Povisa, así como xefe do Servizo de Recepción e Xestión de Pacientes no mesmo centro e médico no servizo de Urxencias

- Exerceu como médico de Medicina Familiar e Comunitaria na Unidade Docente de Segovia

CONSELLEIRO DE POLÍTICA SOCIAL. JOSÉ MANUEL REY VARELA

Naceu en Ferrol en 1975. É licenciado en Dereito pola Universidad Complutense de Madrid e especialista en Liderado e Xestión Pública polo IESE Business School.
- Foi presidente da Federación Galega de Municipios e Provincias (Fegamp) e concelleiro no Concello de Ferrol

- Entre os anos 2011 e 2015, exerceu como alcalde de Ferrol, municipio no que foi edil desde 2002 ata 2015 e onde tamén foi concelleiro de Facenda, Patrimonio, Emprego e Xuventude entre 2003 e 2007

- Foi deputado provincial na Coruña entre os anos 2007 e 2011

- Foi presidente do Consello da Xuventude de Ferrol e tesoureiro do Consello da Xuventude de Galicia

CONSELLEIRA DO MEDIO RURAL. ÁNGELES VÁZQUEZ MEJUTO

Naceu en Melide en 1972. Acadou a licenciatura en Xeografía e Historia pola Universidade de Santiago de Compostela, coa especialidade en Xeografía Aplicada. Así mesmo, é técnica en Información e Cultura.

- Foi alcaldesa de Melide entre os anos 2004 e 2007 e 2011 e 2015

- Previamente ás súas responsabilidades como rexedora, foi concelleira de Cultura, Deportes e Medios de Comunicación

- Foi deputada provincial na Coruña entre 2007 e 2009 e, posteriormente, deputada no Congreso dos Deputados por esa mesma provincia

- Na súa traxectoria profesional tamén ten experiencia xornalística como directora da radio municipal melidense e como correspondente en medios de comunicación

CONSELLEIRA DO MAR. ROSA QUINTANA CARBALLO

Naceu no ano 1959. É licenciada en Ciencias Biolóxicas pola Universidade de Santiago de Compostela. Doutora en Bioloxía coa tese ‘Contribución ao coñecemento do desenvolvemento gonadal do mexillón galego cultivado'.

- Comezou a traballar como funcionaria na Consellería de Pesca, Marisqueo e Acuicultura como inspectora pesqueira

- Ocupou os postos de xefa de sección de Inspección Pesqueira, xefa do Servizo de Marisqueo e de delegada territorial da devandita Consellería en Vigo

- Foi nomeada directora xeral de Innovación e Desenvolvemento Pesqueiro da Consellería de Pesca e Asuntos Marítimos

- Desde a súa licenciatura ata a actualidade participou como poñente en diversos cursos relacionados co mundo da pesca e publicou distintos traballos, tamén relacionados coa pesca, o marisqueo e a acuicultura

- No ano 2007, participou como experta da Unión Europea na celebración de seminarios sobre lexislación alimentaria na UE para produtos da pesca e acuicultura en Puerto Varas (Chile)