O PROGRAMA LEADER CHEGA AO SEU FIN CON MÁIS DE 5 MILLÓNS DE EUROS CONCEDIDOS EN AXUDAS A PROXECTOS NO RURAL

O fondos do Programa Leader foron destinados a proxectos empresarias, ambientais e de dinamización nos quince concellos do territorio da área intermunicipal de Vigo e o Baixo Miño.

Dos 250 expedientes presentados, 136 foron aprobados conlevando a un investimento total de 19.137.952, 71€ grazas ao Programa Leader. Este investimento acadou a cifra de 5.831.941,87€ de fondos públicos e 13.306.010,84€ de investimento privado. Esta inxección de capital permitiu consolidar e crear proxectos empresarias de diversa índole dirixidos a dinamizar o rural.

O programa Leader fixo realidade a 21 proxectos executados por Comunidades de Montes como o da Comunidade de Montes de Couso coa plantación de cogumelos shiitake. Tamén as entidades públicas se beneficiaron nas súa inicativas xerando sinerxias empresarias. Foron 9 os proxectos executados por concellos entre os que atopamos a senda do río Miño levada a cabo polo Concello de Tomiño. Ademáis, 8 iniciativas promovidas por entidades sen ánimo de lucro foron levadas a bo porto consolidando actividades de benestar social como o Centro da Asociación de Persoas con Discapacidade Vontade situado en Tomiño.

Pero son as iniciativas de execución de sociedades mercantís as que máis proxectos protagonizaron na recén pechada convocatoria dos Fondos Leader. Un total de 32 proxectos que teñen contribuido a modernizar empresas xa creadas e a ampliar a súa competitividade en tempos de crise como foi o sector do viveirismo de planta ornamental como o proxecto levado a cabo por Viveiros Rio Tollo.
O pequeno empresario tamén contou co acceso aos fondos beneficiándose 9 proxectos de empresarios autónomos aos que engadimos a maiores 2 iniciativas promovidas por sociedades de base mutualista.
O resultado foi a creación de iniciativas de emprendemento no rural xeradores do desenvolvemento e posta en valor do noso rural. Tamén empresas xa creadas puideron consolidar os seus postos de traballo grazas ao investimento na ampliación e diversificación das súas actividades. O obxectivo do programa concretouse na dinamización e desenvolvemento endóxeno e sostible no territorio da área intermunicpal de Vigo e o Baixo Miño. Nesta meta proxectos non produtivos de mellora ambiental como a sendas e do contorno do rural así como a implantación de servizos para a poboación rural como o Centro da Asociación Vontade.

A presidenta do Grupo de Desenvolvemento Rural (GDR) MAIV- BAIXO MIÑO e alcaldesa do Concello de Tomiño, Sandra González Álvarez, felicitou en nome da directiva, ao equipo técnico pola "extraordinaria xestión ao longo destos anos". A Presidenta ademáis sinalou "o impacto destes investimentos no rural que permitiron un desenvolvemento sostible creador de empregos con solidez a longo prazo".