O Rosal presenta este venres o Plan de Mobilidade Urbana Sustentable (PMUS)

O Rosal presenta este venres día 18 de xaneiro ás 9:00h o Plan de Mobilidade Urbana Sustentable (PMUS).

Esta presentación celebraráse no Salón de Plenos, onde se ampliará información sobre este proxecto que estará financiado nun 25%polo Concello do Rosal e nun 75% pola Deputación de Pontevedra.

Trátase dun plan estratéxico que busca, a través da integración e planificicación do existente, da avaliación e da participación; dar resposta ás necesidades de mobilidade presentes e futuras de persoas e mercadorías, co obxectivo de lograr unha maior calidade de vida nos espazos urbanos e a súa contorna.

Que caracteriza un pmus?

1. Visión estratéxica pero sin renunciar ao curto prazo
2. Integración no ámbito territorial, superando os límites administrativos
3. Búsqueda da integración modal
4. Implementación de políticas transversais e fomento da cooperación institucional
5. Visión participativa en todas a fases do proceso
6. Proceso dinámico e continuado que implementa sistemas de monitorización e seguemento

Para que serve un PMUS?

1. Contar cunha visión globlal e estratéxica de tódolos elementos que afectan á mobilidade no concello
2. Deseñar unha estratexia planificada, orzamentada e priorizada, que permita afrontar paso a paso as diferentes tarefas a desenvoltar
3. Construción dun consenso amplo que permita a supervivencia no tempo das liñas marcadas
4. Acceso á xestión directa de fondos europeos para a realización de accións concretas
5. Contar cunha base para a captación de outros fondos e recursos doutras administracións

Fases dun PMUS

1 Recollida de datos

2 Participación cidadá

3 Análise e diagnose

4 Plan de accións e medidas

5 Presentación do PMUS

Procesos e pasos

1. Os traballos comezarán de inmediato
2. A equipa redactora terá que ter entregado o documento completo antes de abril de 2019
3. Unha vez aprobado polo órgano competente do concello, o documento remitirase á deputación
4. A deputación poderá esixir modificacións e correccións
5. A equipa e máis o concello terán un prazo para a realización das enmendas e remitirase novamente
6. Unha vez validado pola deputación, o plan estará rematado e listo para a implementación
7. O documento será plenamente válido para a concorrencia a fondos e axudas