RUEDA: -É O MOMENTO DE CONSENSUAR COA MILITANCIA UN PLAN PARA O PP DE PONTEVEDRA-

Así se expresaba Rueda, que formalizou a súa candidatura presentando ante o Comité Organizador do Congreso provincial as firmas requiridas para participar no Congreso que terá lugar o vindeiro 13 de marzo. Entre elas, as dos seis membros do PP de Pontevedra nas Cortes Xerais, a dos conselleiros da Xunta, e a inmensa maioría dos alcaldes ou voceiros municipais nos concellos da provincia, así como os dos deputados no Parlamento galego.

Deste xeito avanzou que o obxectivo deses encontros anunciados será escoitar opinións, suxestións e mesmo críticas; incidindo ao mesmo tempo en que non só está encantado de percorrer toda a provincia e falar coa militancia senón tamén de poder facelo para escoitar e coñecer a forma de pensar dos afiliados.

Segundo dixo, pedirán aos militantes, con toda a humildade, que os axuden a reconfigurar o partido e a actualizalo, aspirando así a que o seu programa cara a estes anos sexa o resumo das aportacións que estes lle queiran achegar.

"Tentarei falar coa maioría dos 35.000 afiliados do partido na provincia e explicarlles como gustaríame configurar o PP de Pontevedra como partido maioritario e recoñecible", dixo.

Alfonso Rueda dixo presentarse convencido e con moitas gañas, e que dará entrada a xente nova no Partido Popular, incluíndo a xente que nunca estivo traballando en política.