Sandra González reforza a súa maioría en Tomiño acadando o 60% dos votos e sumando un concelleiro

A xornada electoral desenvolveuse con total normalidade e sen incidencias. A partir das 20.00 h moitas veciñas e veciños de Tomiño déronse cita na sede do BNG de Tomiño para acompa-ñar á candidatura e seguir en directo o escrutinio a medida que ían chegando os datos dos recontos das mesas electorais. A chegada dos primeiros datos, correspondentes ás eleccións ao Parlamento Europeo, no que o BNG acadou tamén un resultado histórico para Ana Miran-da, vaticinaban os bos resultados que se ían obter no reconto municipal.

A alegría invadiu a sede a medida que se foi confirmando a contundente subida do apoio das veciñas e veciños de Tomiño á formación que encabeza Sandra González e que mellorou o seu respaldo na práctica totalidade das parroquias de Tomiño.

O resultado, que lle permite sumar un concelleiro máis que no anterior mandato, reforza o apoio ao proxecto de cambio que o equipo comezou no 2007, e que xa conseguiu que Tomiño sexa un referente na comarca en moitos aspectos como a recuperación dos espazos públicos para as persoas, as políticas en materia de educación e infancia e mocidade, ou pola aposta polo benestar e os servizos para as persoas que o precisan.

"Estes resultados fannos sentir moi agradecidos, orgullosos e ilusionados por seguir traballan-do neste proxecto de cambio para Tomiño. A nosa intención e traballar, traballar e traballar e demostrar ás veciñas e veciños que non os imos defraudar e que, como xa dixemos durante a campaña, en Tomiño, o mellor está por vir", declarou Sandra González.