Segue aberto o prazo de inscricións para o Campamento de Nadal 2018 no Rosal

BASES CAMPAMENTO DE NADAL NO ROSAL 2018

O Concello do Rosal organiza o Campamento de Nadal co principal obxectivo de conciliar vida familiar e laboral a través de actividades educativas e lúdicas coas que dinamizar o tempo libre tras rematar o período lectivo.

DESTINATARIOS/AS
Rapaces e rapazas de entre 4 (nacidos/as no 2014) e 12 anos, cumpridos no momento da inscrición ao campamento que reúnan as seguintes circunstancias:
• Empadroados/as no Rosal (comprobarase que os menores inscritos/as están empadroados no concello)
• Non empadroados/as no Rosal pero que o seu pai, nai, titor, titora traballe ou posúa un negocio no Rosal.

NÚMERO DE PRAZAS E LUGAR DE CELEBRACIÓN
O número de prazas ofertadas son 15. A actividade desenvolverase en instalacións municipais.

DURACIÓN E HORARIO
O campamento desenvolverase os días 26, 27 e 28 de decembro e 2, 3 e 4 de xaneiro de 9:00 a 14 :00 horas.
PREZO: O campamento de nadal é gratuito.

SELECCIÓN DE PARTICIPANTES
No caso de que se superen o número de prazas ofertadas valoraranse os seguintes aspectos:
• Pai /nai / titor / titora do/a menor estean traballando.
• Pertencer a unha familia monoparental
• Pertencer a familia numerosa

No caso de igualdade de condicións entre varias solicitudes terase en conta a orde de inscrición da solicitude.
O Concello do Rosal reservará un número de prazas para colectivos en situación de especial vulnerabilidade se así o estima oportuno.

BAREMACIÓN DAS SOLICITUDES
A puntuación por cada unha destas circunstancias, debidamente acreditadas, será a seguinte:

• Por traballo de ambos membros da parella ou titores legais: 2 puntos.
• Por traballo dun dos membros ou titores: 1 punto.
• Por pertencer a familia monoparental: 2 puntos.
• Por pertencer a familia numerosa: 2 puntos.
A máxima puntuación será de 5 puntos.

INSCRICIÓNS E DOCUMENTACIÓN
O prazo para presentar as solicitudes será dende o 23 de novembro ata as 14 horas do día 14 de decembro.
As solicitudes recolleranse na OMIX do Concello do Rosal ou na web do concello www.concellodorosal.es e presentaranse no Rexistro municipal xunto coa seguinte documentación:
• Fotocopia do DNI do pai/nai/titor/titora do/a menor
• Fotocopia do libro de familia
• Copia dos contratos de traballo ou certificado vida laboral ou certificado da empresa. No seu defecto declaración xurada do pai/nai/ titor/titora do/a menor indicando empresa e tempo de duración do traballo
• No caso de familia monoparental, documentación oficial acreditativa da súa situación
• No caso de familia numerosa, título de familia numerosa

OUTRA DOCUMENTACIÓN
Toda documentación relevante sobre datos médicos (enfermidades, alerxias,...) que sexa precisa coñecer para o bo desenvolvemento da actividade.

ADXUDICACIÓN DAS PRAZAS. ASISTENCIA. NORMAS.
O Concello elaborará unha listaxe de adxudicatarios/as das prazas así como unha listaxe de reserva. No caso de renuncia, a listaxe irá correndo segundo orde numérica.

A concesión da praza implica a asistencia a actividade polo que as faltas non xustificadas e reiteradas significarán a perda da mesma.
Os participantes do campamento que non acaten as normas de convivencia, educación e respetos polo material e/ou compañeiros e monitores poderán ser expulsados.

O Rosal, novembro de 2018.