TOMIÑO ORGANIZA SEMINARIOS DE CROWDFOUNDING E OUTROS MODOS DE FINANCIAMENTO, DIRIXIDOS A ASOCIACIÓNS E ENTIDADES LOCAIS QUE QUEIRAN POR EN MARCHA ACCIÓNS E PROXECTOS SEN FONDOS PROPIOS

Tomiño, 13 de febreiro de 2015.- A Concellaría de Cultura do Concello de Tomiño, que dirixe Cristina Martínez, considera de gran importancia poñer ao alcance do tecido asociativo do municipio, a formación necesaria para que as entidades locais poidan acceder a distintos tipos de financiamento.
Por este motivo, a devandita concellaría, organiza un par de seminarios gratuítos dirixidos especialmente a entidades, asociacións, clubs, etc. do concello.
Por unha parte, ofrécese un Seminario de Crowdfunding (ou financiamento colectivo), onde as persoas asistentes aprenderán que tipo de proxectos son máis axeitados para un micromecenazgo; coñecerán as diferentes plataformas estatais e internacionais de financiamento e aprenderán os pasos para presentar un proxecto, co obxectivo de acadar fondos procedentes de doazóns.
Por outra banda, organízase un Seminario de Financiamento, co fin de que os membros das entidades e/ou asociacións, coñezan as distintas axudas que existen por parte das diferentes Administracións (Concello, Deputación, Xunta de Galicia e Comisión Europea) e aprendan a realizar proxectos, así coma a cubrir formularios e presentar subvencións.
"Dende o departamento de cultura, non queremos adoptar unha postura paternalista, senón darlle á cidadanía as ferramentas necesarias para a autoxestión", explica Cristina Martínez. Por este motivo, considera moi importante que, a lo menos, unha persoa de cada entidade ou asociación, asista aos seminarios.
Estes comezarán no mes de marzo, razón pola cal estanse a planificar os horarios (días laborables a partir das 19hs., ou ben, fins de semana). A concelleira indica que "está aberto o prazo de inscrición a prezo cero". Só é necesario enviar un correo electrónico cos nomes e apelidos das persoa/s asistente/s, ou asociación, así coma un número de teléfono de contacto.

Obxectivos:

1. Aprender qué tipo de proxectos son axeitados para o micromecenado (crowdfunding), cómo formulalos e desenvolvelos.
2. Coñecer as distintas plataformas estatais e internacionais de finanzamento colectivo.
3. Como presentar un proxecto e comunicalo.

Ao final do curso cada asistente terá unha visión completa do crowdfunding e os instrumentos para desenvolver o seu proxecto con éxito.

Destinatarios:

Emprenderores, Mocidade e Creativos, profesionais do Arte, Literatura, Cinema e Cultura, en xeral.

Temario:

1. Antecedentes do crowdfunding e estatísticas.

2. As claves do éxito do fenómeno crowdfunding.
• Consumo colaborativo.
• Crowdfunding como alternativa as subvencións públicas e as entidades bancarias.
• Crowdfunding y crowdsourcing.
3. Tipoloxias de crowdfunding en función dos proxectos.

4. Plataformas de crowdfunding.
• Ith Crowdfunding.
• No estado español e Latinoamérica.
• A nivel internacional.
5. Claves do éxito dun proxecto.
• A idea.
• As recompensas: o deseño.
• O video.
• As mostras.
• Os textos.
• A comunidade: a comunicación offline e Social Media.
• A regra 30/90/100.
• O post crowdfunding.
6. Casos de éxito.

7. Lexislación e sinerxias con outras plataformas de finanzamento.

8. Obradoiro práctico: auditoría de proxectos e ideas dos alumnos.

Os formadores:

Iván L. Gimeno é Digital Project Manager e Asistente Técnico en IthCrowdfunding.org. Con ampla experiencia no eido audivisual desenvolvendo proxectos como escritor, guionista e produtor, ten promovido e colaborado en diferentes campañas de crowdfunding como as da película "Estirpe" ou a incubadora de proxectos no eido da economía colaborativa e creativa Zinc Shower.

Uxío Novoneyra Rei é Consultor de proxectos, redes e comunidades. Coordinador da plataforma ithcrowdfunding.org, plataforma de micromecenado para proxectos literarios da Fundación Uxío Novoneyra. Socio/DirCom da consultora e distribuidora Caligrama Xestión Cultural e a editora Abooks.

Duración: Seminario de 8 horas repartido nunha/dúas xornadas, cun obradoiro práctico de 2 horas.

6. Casos de éxito.

7. Obradoiro práctico: Deseño de propostas de financiamento para as diferentes administracións e entidades ligadas á cultura.
Os formadores:

Óscar Penín é Xestor Cultural e Consultor en Caligrama Xestión Cultural. Con ampla experiencia no eido da xestión cultural desenvolvendo proxectos como técnico, investigador e formador, ten promovido e colaborado en SOPA, ESCUA, A Bela Auria, AC ProNós 2020, a Fundación Uxío Novoneyra e a Fundación Quessada.

Uxío Novoneyra Rei é Consultor de proxectos, redes e comunidades. Coordinador da plataforma ithcrowdfunding.org, plataforma de micromecenado para proxectos literarios da Fundación Uxío Novoneyra. Socio/DirCom da consultora e distribuidora Caligrama Xestión Cultural e a editora Abooks.

Duración: Seminario de 8 horas repartido nunha/dúas xornadas, cun obradoiro práctico de 2 horas.