Tomiño recibe unha achega da Deputación de máis de 55.000? do -Plan Concellos 2017-

As reformas, que ascenden a 55.956,86 €, teñen por obxectivo reordenar o espazo para obter un maior aproveitamento do mesmo e que, ao mesmo tempo, permita o seu desfrute cunha maior seguridade e comodidade. Nas obras daráselle prioridade aos materiais naturais en pavimentos e xogos, e manterase unha zona de areeiro e horta xa existentes.

A subvención permitirá tamén a renovación do falso teito dos patios cubertos así como a plantación de árbores de folla caduca e a instalación de paneis de cor verde que mitigarán o impacto visual das medianeiras que hai no patio. Ademais, para a conexión entre o novo patio e o xa existente instalarase unha pérgola en madeira que permita un paso a cuberto entre eles.

Xunto con estas achegas, Tomiño ten recibido este ano a través do Plan Concellos 13.947,22 € destinados á mellora do terreo de xogo do campo de fútbol de Carballa, 212.962,95 para o saneamento dos núcleos de Vilachán e Sanomedio e 247.942,20 € para á contratación de 25 traballadores a través da liña 3. En total, a institución provincial adxudicou 530.809,23 € do 1.196.341,78 € previsto para a vila, o que supón o 44,36%.