TOMIÑO RECIBIRÁ TRES AXUDAS PARA MELLORAS DE SANEAMENTO E REFORMAS NA CASA CONSISTORIAL

Así, Tomiño recibirá tres axudas, cuxo importe total acada os 658.389,11 €, para melloras de saneamento en distintos puntos do concello e reformas na casa consistorial, o que significa un 71% do Plan Concellos adxudicado. Pola súa banda, Silleda coas catro achegas de 457.216,49 € aprobadas hoxe para o acondicionamento de estradas e melloras de accesibilidade e saneamento na vila, percibiu xa o 100% do que lle corresponde á vila do Plan Concellos 2016, é dicir, 630.216,50 €.

Mondariz recibirá dúas axudas de 172.317,98 € destinadas a mellorar o saneamento no municipio, o que supón un 63% do Plan Concellos adxudicado. No caso de Lalín, coa achega de 502.026,20 € dirixidos á rehabilitación, saneamento e reforzo do firme da Ronda Norte-Este da localidade, percibiu o 56% do investimento da Deputación de Pontevedra.

Pola súa banda, a Xunta de goberno da Deputación aprobou a axuda de 349.005,63€ destinadas a obras de saneamento en Moaña o que, sumado ás anteriores achegas, significa un 40,6% do Plan Concellos adxudicado. Bueu recibirá 315.109,30 € para a restauración dun estaleiro, un 94,3% do plan entregado, e, pola súa banda O Porriño 150.000 € para melloras de saneamento que se traduce nun 71% do Plan Concellos adxudicado.

Tamén se aprobou a achega de 126.376,13 € para obras de pavimentación e saneamento en Moraña o que, sumado ás anteriores, significa un 53% do Plan Concellos adxudicado. Campo Lameiro recibirá 109.998,98 € para un humidal artificial, un 53% do plan entregado; o concello de Portas 63.549,20€ para a adquisición dunha depuradora, o que supón o 70% do Plan Concellos adxudicado; e 61.946,44 € para Ribadumia para obras na súa rede de saneamento que, xunto ás anteriores achegas aprobadas, tradúcese no 40,5% do Plan Concellos adxudicado.

A Presidenta da Deputación de Pontevedra, Carmela Silva, explicou que "en pouco máis de catro meses levamos investidos na provincia un total de 7.065.938,94 € no marco da liña 1 do Plan Concellos 2016, o que supón un grado de execución da mesma do 30,23%". Amais, Silva adiantou que o orzamento destinado a esta actuación, que ascende a 47 millóns de €, "será transferido na súa totalidade antes do verán ós concellos da provincia".