Tui e Tomiño reciben unha axudas de máis de 225.000? ao abeiro do -Plan Concellos 2017-

En concreto, Tomiño recibirá 139.947,22€ para a realización de melloras no terreo de xogo do campo de fútbol da Carballa. Ata o momento, a Deputación ten concedido 387.890,42€ para esta vila no marco do "Plan Concellos 2017", é dicir, o 32, 42% do 1.196.341,78€ que lle corresponden a Tomiño neste curso.

Pola súa banda, a insititución provincial aprobou una axuda de 85.444,40€ para Tui destinada aos traballos de acondicionamento dos xardíns de Troncoso. O concello recibiu xa 310.609,70 € no marco do "Plan Concellos 2017", é dicir, o 30,95% do importe total que lle corresponde este ano, que ascende a 1.003.489,37 €.

A Deputación leva concedido nos catro primeiros meses do 2017 un total de 5.165.818,69 € ao abeiro da liña 1 do Plan Concellos, é dicir un 20,06 % do destinado a investimentos. Esta é a liña con maior dotación económica do programa e supón o 62,5 % do total do plan, cun orzamento de 25.750.000 € (fronte aos 25 millóns de 2016).

O "Plan Concellos 2017" ten asignado para este curso unha dotación de 41,2 millóns de euros, unha partida un 3% maior que a aprobada no ano anterior e que entre as súas tres liñas estratéxicas leva aprobado un total de 16,3 millóns de euros dende xaneiro.