Especial - A Guarda acolleu a Romaría de Santa Trega 2016

A vila mariñeira de A Guarda vive cada 23 de Setembro a súa festividade local na honra a Santa Trega, unha romaría que congrega a centos de fieis e devotos entorno á ermida de Santa Trega na que se celebran durante esta xornada diferentes misas relixiosas.

A programación relixiosa comezaba as 8 da mañá con misas rezadas e continuou ata as 11:45h da mañá, cando se realizou a procesión, acompañando á virxe as autoridades, un grupo tradicional e centos de devotos e fieis a Sta. Trega.

Ó remate da pocesión teñen lugar as tradicionais poxas de productos típicos, un clásico con máis de 20 anos de antiguedade, que congrega tamén a un bo número de persoas, na que se poxaron productos do campo, viños, doces e se sorteou a monumental tarta con máis de 5 pisos de altitude e cun premio sorpresa no seu interior.

Numerosas familias se reúnen para o xantar nos diferentes espazos do Monte Sta Trega e é costume acudir á noitiña ó Parque do Cancelón(Montiño).