ESPECIAL - Afluencia masiva de visitantes á XXIV A Feira do Viño do Rosal

A Feira do Viño do Rosal estreou nesta XXIV edición o seu novo galardón de Festa de Interese Turístico de Galicia cunha afluencia masiva de visitantes ao longo de toda a fin de semana.

Unha feira que se consolida coma evento de exaltación dos viños da Subzona do Rosal da D.O. Rías Baixas na que participaron unha decena de adegas desta denominación(Pedregales, Gaudila, Altos de Torona, Gran Novás, Quinta Couselo, Santiago Ruiz, Lagar de Cervera, Valmiñor, Terras Gauda e Quinta de la Erre.

O comentarista gastronómico José María Toro foi o pregoeiro desta edición e no seu pregón resaltou a alta calidade dos viños da Denominación de Orixe Rías Baixas. No acto de inauguración tamén estiveron presentes o Presidente da Xunta de Galicia, Alberto Níñez Feijoo; o Vicepresidente, Alfonso Rueda; a Secretaria Xeral para o Turismo, María Nava Castro; o Presidente do Consello Regulador, Juan Gil de Araujo; o Secretario Xeral, Ramón Huidobro, o Delegado da Xunta de Galicia en Pontevedra, J. Manuel Cores Tourís, así coma representantes municipais encabezados polo Alcalde do Rosal, Jesús Mª Fernández Portela e representantes de concellos limítrofes e outros organismos e institucións.

Tralo acto inaugural, a comitiva visitou a exposición do Colectivo SomosArte e a XXIII Mostra Numismática e Filatélica do grupo Val do Rosal, cun cuño conmemorativo para lembrar este ano o 50 Aniversario do acordo de por en marcha a concentración parcelaria no Rosal.

Esta feira ten un dobre obxectivo de promoción empresarial, por un lado, e de promoción turística, por outro

A novidade fundamental deste ano foi que a Feira do Viño do Rosal consolídase definitivamente o 18 de marzo do presente ano ó ser declarada Festa de interese turístico en Galicia.

Isto é consecuencia do esforzo conxunto dos diferentes participantes directos ou indirectos da feira, da calidade dos nosos productos, do lugar de realización, un lugar accesible e aberto a todos e que pola distribución en si mesma, cadeiras, parasois, restauradores, bodegas....etc e as actividades paralelas que teñen lugar (exposicións, música, actuacións, eventos deportivos...etc.) faen moi atractivo para o público asistente a estancia no Rosal neses días.

Máis de 30.000 visitas que degustan os viños que se producen nesta comarca, amparados na denominación de orixe Rías Baixas, pero tamén desfrutan dunha gran variedade de produtos típicos da zona e actividades paralelas que completan a oferta lúdica neses días centrais do mes de xullo.

Unha das melloras levadas a cabo este ano pola organización foi a ampliación do número de mesas, cadeiras e carpas, cunha carpa de 10 x 25 metros na que se acomodaron ata 260 persoas en mesas.

Ademais realizouse unha nova distribución de mesas altas (barriles) e mesas e sillas, enchendo toda a praza con 100 mesas altas e 100 mesas baixas, mellorando o servizo e a comodidade dos visitantes.

A ambientación musical estivo este ano marcada polas actuacións da Charanga CANTOS SOMOS, o Grupo Folk Lareira, a Charanga VAI DE BAILE e a Charanga MOITA MARCHA.

Os máis cativos tamén disfrutaron da feira con inchables e  obradoiros de maquillaxe.