ESPECIAL - Milleiros de visitantes achegáronse á Guarda para disfrutar da programación da Festa da Langosta e da Cociña Mariñeira

Nesta edición a programación musical ofreceu música moi variada para que todos os asistentes gozasen da nosa festa gastronómica. A Orquestra FUTURO ofreceu o seu espectáculo de música a todos os asistentes na noite do venres.

As mañás estiveron amenizadas por concertos de grupos de pop-rock guardeses a cargo dos grupos 2MIS e  SONGODIN'S.

Na noite do sábado o escenario da carpa acolleu o serán mariñeiro con grupos de música tradicional e as pandereitas ofreceron boa música e entretemento a todos os asistentes.

No último día da celebración, a Festa da Langosta e da Cociña Mariñeira contou co espectáculo musical infantil de "Uxía Lambona e a Banda Molona", unha oportunidade para desfrutar dun espectáculo para toda a familia, que fixo as delicias dos máis pequenos e pequenas da casa. Tamén nesta derradeira xornada tivo lugar a "Noite de Fado" que incluíu a actuación da artista portuguesa Marla Amastor, aclamada cantante de fados, letrista e compositora do país veciño.

Unha Feira de Artesanía encheu de stands a rúa do Porto con manualidades, cestería, broches. Como xa ven sendo habitual o Tren turístico que percorrerá as rúas da Guarda e tamén se realizarán visitas guiadas ao Museo do Mar, o Castelo de Santa Cruz e o Monte Santa Trega dentro da Rede de Museos.

Dentro das iniciativas culturais destacou "O muro da arte", que invitou a artistas a embelecer as rúas coas súas obras e ademais a Asociación pola Recuperación do Traxe Galego ofreceu a súa exposición anual na Casa dos Alonsos.