Nesta edición hai un nome que destacou, New Day, a nova banda de Amparo Llanos, ex Dover, xunto a Samuel Titos, baixista da banda que Amparo lideraba xunto á súa irmá Cristina. Jota Armijos, ex Fuckaine completa o power trio na batería. A banda madrileña veu ata A Guarda a presentar o seu recente segundo disco "Fever". Os asistentes tiveron a oportunidade de ver na Guarda a uns músicos que xa forman parte da historia do rock español.

Abríu o festival a banda local Helen & Shanna, que tamén presentou o seu novo traballo "Tempo" a piques de lanzarse e estreando por primeira vez na vila a súa nova formación, con influencias de psicodelia e world music, o seu folk fixo quentar motores para o que viña despois.

Pechou o festival a banda de rock viguesa Loco Turbina con grandes temas clñásicos do rock que fixeron corear ata ó final.

Esta edición foi especial xa que coincidíu coa celebración do XIV Encontro Embarcacións Tradicionais de Galicia. Para iso o Rock Guardés uníu forzas coa Asociación Cultural Piueiro e a Asociación Cultural Rock'n'Rolla que achegou unha das bandas, do mesmo xeito que segue contado co patrocinio da marca local éxfico clothing, o resto de patrocinadores locais, Concello da Guarda e por soposto a Comisión de Festas Virxe do Carmen da Guarda, un ano máis comprometida coa música rock en directo.