Especial - O Proxecto -Un Baixo Miño para Tod@s- conta xa co apoio institucional dos concellos da comarca

O xoves día 1 de decembro de 2016 tivo lugar nas instalacións do Centro San Xerome de A Guarda o acto de sinatura do protocolo para a inclusión dos diferentes concellos da Comarca do Baixo Miño no proxecto de accesibilidade "Un Baixo Miño para tod@s" que encabeza o San Xerome.

Este proxecto nace da idea posta xa en marcha no Val Miñor polo Centro Juan María de Nigrán para facer os espazos máis accesibles para as persoas con algún tipo de discapacidade.

Neste acto estiveron representados todos os concellos do Baixo Miño, agás o de Tui, que por motivos de axenda non puido participar no acto de sinatura, pero que si está participando neste proxecto. Representando ó Concello de A Guarda estiveron presentes o seu alcalde Antonio Lomba e a Concelleira de servizos Sociais, Teresa Vicente, por parte do Concello de Tomiño a súa alcaldesa Sandra González, por parte do Concello do Rosal a 1º tenente de alcalde María del Carmen Alonso e en representación do Concello de Oia a súa alcaldesa Cristina Correa. Tamén tomou partida a presidenta do San Xerome, María da Cuña Pacheco.

O proxecto -Un Baixo Miño para tod@s- foi presentado inicialmente no ano 2015 e conta con varias fases de execución. Inicialmente realizouse unha fase de observación mediante grupos de traballo,  e nestesmomentos estáse na segunda fase ou fase de análise, na cal 5 grupos de traballo analizarán as diferentes posibilidades para mellorar a vida cotiá de persoas con discapacidades en espazos públicos. Agárdase que a partires de xaneiro de 2017, cando se realice unha reunión de seguimento e intercambio de información, se poida facer a terceira fase de validación do proxecto.

Este proxecto inclúe a mellora dos espazos e edificios públicos no que atinxe a sinaléctica, accesibilidade funcional, redistribución de espazos, acceso á información e orientación nos diferentes espazos existentes, así coma a interacción na contorn, as barreiras sensoriais e cognitivas o acceso ós servizos da comunidade, entre outros.

Trala sinatura deste protocolo os alumnos de cociña do San Xerome ofreceron ós asistentes uns petiscos vexetarianos.