Especial - Praxíteles González presentou na Guarda o seu último libro -Yo también emigré a la República Federal de Alemania-

Ao cargo deste acto estivo o propio autor do libro, Praxíteles González e José Antonio Urís Guisantes, colaborador da obra. Trátase do quinto libro do autor, nado no Rosal, que con 25 anos emigrou a Alemaña na busca dun futuro mellor.

Nesa época compaxinaba as 12 ou 14 horas de traballo cos estudos e tamén foi cando despertou o seu interese e afección pola escritura. Isto o levaría a colaborar en diferentes revistas e publicacións como 'La Región'. Ademais, cando tras 17 anos en Alemaña, volta a España colabora cos corresponsais de periódicos como 'La Voz de Galicia' ou 'El Faro de Vigo', onde tamén se publican varios dos seus artigos.

Das súas experiencias como emigrante e dos amplos coñecementos adquiridos durante eses anos nace "Yo también emigré a la República Federal de Alemania (1960-1980)", a obra que foi presentada no Centro Cultural da Guarda. Os asistentes ao evento puideron coñecer de boca do autor os pormenores e detalles dunha obra autobiográfica, que de seguro trouxo recordos das experiencias propias a moitas persoas e a outras lles axudou a descubrir a experiencia dun galego na emigración.