ESPECIAL - Tomiño, A Guarda e O Rosal foron o escenario do XXIII Encontro dos Pobos

O sábado día 23 de xullo de 2016 tiña comezo a XXIII edición do Encontro dos Pobos, un festival musical organizado polo grupo Do Lusco ó Fusco coa colaboración da Deputación de Pontevedra e os concellos de A Guarda, O Rosal e Tomiño.

Na primeira xornada o evento comezou ás 21:00h na Praza do Seixo de Tomiño, coas actuacións da Banda de Gaitas Virxe do Alivio de Tomiño, o Grupo do Lusco ó Fusco de A Guarda, Teries in Tartan de Escocia e Ballador des Raiguer de Mallorca.

O domingo 24 de xullo tiña lugar a segunda xornada deste festival no Auditorio de San Benito de A Guarda, onde actuaron o Grupo da Terceira Idade de A Guarda, Vento Mareiro de A Guarda, Xamaraina de A Guarda,  o Grupo do Lusco ó Fusco de A Guarda, Teries in Tartan de Escocia e Ballador des Raiguer de Mallorca. 

O derradeiro día de festival tivo coma escenario a Praza do Calvario do Rosal, onde contouse coas actuacións de  o Grupo do Lusco ó Fusco de A Guarda, Muíños de Oliveira de Ponteareas,  Teries in Tartan de Escocia e Ballador des Raiguer de Mallorca.