PROCESO DE VOTACIÓN DE PRIMARIAS DE INICIATIVA POLA UNIÓN NO BAIXO MIÑO

Desde que o pasado 12 de outubro aprobamos o Regulamento de Participación e o Calendario para o proceso de Primarias Abertas, fomos cumprindo todos os prazos fixados. Fixémolo co obxectivo inicialmente marcado: que tanto o Regulamento como o Calendario puidesen servir de proposta para un proceso de confluencia se finalmente a aposta por unha candidatura galega de carácter soberano e obediencia exclusivamente galega, en busca dun grupo parlamentar propio, atopaba apoios fóra do ámbito da Iniciativa pola Unión.

Eramos, e somos conscientes, que nunca a man pode deixar de estar tendida para quen quixer participar nun proceso destas características, mais en ningún momento cometemos a irresponsabilidade de ficar á espera sen facer nada. Os prazos para confluír nunha candidatura ampla son os que son e se queremos facer partícipes moitas persoas para involucralas nesta carreira por conseguir que o pobo galego teña voz propia non subordinada en Madrid, temos que abrir as cancelas a esa participación. Era a nosa obriga e é o noso cometido. Correr cos pés lixeiros.

Buscamos abrir a participación da mocidade, abrindo a posibilidade de que poidan votar todas as persoas que teñan cumpridos 16 anos o día 20 de decembro, amosando a nosa posición a que poidan ter, nun futuro próximo, dereito a voto en calquera elección política.

Todas as persoas censadas poderán elixir as persoas que conformarán as candidaturas promovidas por IpU (NÓS - CANDIDATURA GALEGA) ao Congreso e ao Senado na circunscrición electoral i. Non se aceptará ningún cambio despois de pechado o censo.

As candidaturas son en listas abertas. Hai que riscar na papeleta o nome da persoa que eliximos de entre todos os que figuran nela. Vai haber tres papeletas e tres urnas diferentes.

Así, isto é o que   se vai poder votar e como se vai poder votar:

- Elixir a persoa que encabece a candidatura ao congreso. Só se  pode votar por unha.
- Elixir as persoas que formarán o resto da candidatura ao Congreso. Non hai mínimo de votos mais si máximo. Só se poderá votar como máximo o seguinte número de persoas:

A CORUÑA: máximo a 4 persoas
LUGO: máximo a 1 persoa
OURENSE: máximo a 1 persoa
PONTEVEDRA: máximo a 3 persoas

-Elixir as persoas que formarán a candidatura ao Senado. Non hai mínimo de votos mais si máximo. Só se poderá votar como máximo 2 persoas en cada provincia.

Na Comarca do Baixo Miño pódese votar de xeito presencial nos seguintes puntos:

Tui: na Sala Félix Rodríguez, na Traseira da Área Panorámica.

Tomiño: na Casa da Cultura

O Rosal. nos baixos do Concello

A Guarda: no Sinde vello

Oia: Casa da Cultura de Oia.

O horario tanto da votación presencial, como da votación telemática vai se este domingo 8 de novembro dende ás 11:00 até ás 15:00.

Ante calqueira dúbida poden contactar con nós no enderezo electrónico primarias@polaunion.gal, ou, no teléfono 616090632.Máis información na web www.polaunion.gal.

Candidaturas da IpU:

http://polaunion.gal/wp-content/uploads/2015/11/Papeletas-Pontevedra.pdf

http://polaunion.gal/wp-content/uploads/2015/11/Papeletas-Ourense.pdf

http://polaunion.gal/wp-content/uploads/2015/11/Papeletas-Lugo.pdf

http://polaunion.gal/wp-content/uploads/2015/11/Papeletas-A-Corun%CC%83a1.pdf