ESPECIAL - A Guarda deu o pistoletazo de saída das Festas do Monte 2016 coa lectura do pregón e un Festival Folclórico

Na tarde do Luns día 8 de agosto de 2016, o Auditorio de San Benito de A Guarda acolleu un Festival Folclórico a cargo das agrupacións locais do Clube da Terceira Idade, Churumbela, A Boalleira, Vento Mareiro, O Trebón dos Xidos e Xamaraina.

Tamén neste acto se deu lectura do pregón da presente edición, que correu a cargo dos cantantes da orquestra Olympus, que nesta primeira noite de verbenas amenizou a xornada xunto á orquestra Alaska.

Neste acto inaugural das Festas do Monte, presentado pola Concelleira de Cultura e directora de Xamaraina Elena Baz, interviron, en representación da Asociación O Cancelón e Comisión de festexos, Manuel Castro; o Alcalde de A Guarda, Antonio Lomba; a Presidenta da Deputación de Pontevedra, Carmela Silva e a Secretaria Xeral de Turismo da Xunta de Galicia, María Nava Castro.

Nava Castro explicou que as festas, polas súas características e singularidades e polo seu recoñecemento e prestixio a nivel autonómico, son un recurso que manter e potenciar, xa que a súa celebración supón un importante reclamo de atracción turística.  

Tralas intervencións oficiais tocoulles o turno os cinco pregoeiros desta edición 2016,  Irene, Fernando, Dani, Javi Mota e Peque, cantantes e compoñentes da orquestra Olympus, que fixeron unha canción especial para as Festas do Monte 2016.

Ver programación completa das Festas do Monte 2016 aquí