Na mañá do pasado Venres día 24 de Febreiro de 2017, tiña lugar o Desfile infantil de Entroido, no que participaron case a totalidade dos alumnos dos Centros educativos de A Guarda.

Sobre as 12:00h saían dende a Alameda de A Guarda, onde os familiares xa enchían as beirarrúas para non perderse este colorido e orixinal desfile, no que participaron más de 300 nenos e nenas de A Guarda. 

A charanga "Cantos Somos" amenizou un ano máis este desfile infantil, que tamén contou con varios vehículos con ambientación musical.

A programación do entroido guardés esténsese ata o vindeiro Martes día 28 de Febreiro, onde os nenos e nenas son os protagonistas.

O sábado 25 de febreiro, celébrase o "Sábado da mocidade". A primeira cita do día será ás 17,30 horas, no Centro Cultural, coa proxección do filme Vicky El Vikingo. Anímase a que tódolos nenos e nenas acudan a esta tarde de cinema infantil cos seus disfraces. Xa pola noite a Carpa da Alameda acollerá, ás 23,30 horas, o concerto do grupo pontevedrés Gold and Colt que interpretarán música country-soul. Tras o concerto, á 1 da madrugada, dará comezo unha das novidades deste ano: o Concurso Drag Queen Guardés. Este busca fomentar de novo unha tradición moi arraigada na vila como é a de ver cada ano aos homes guardeses disfrazados de muller. As inscricións poden realizarse do 15 ao 23 de febreiro no Departamento de Cultura do Concello, en horario de 9 a 14 horas, no e-mail cultura@aguarda.es ou o mesmo día do concurso ata unha hora antes da súa celebración. Despois do concurso seguirá a noite coa Festa Retro que contará coa actuación de DJ CELIG.

O domingo 26 de febreiro terá lugar o "Día das familias" no que a partir das 18 horas haberá festa coa orquestra Carambola na Carpa da Alameda.

O luns de Entroido, día 27 de febreiro, haberá un Obradoiro de Máscaras e Pintacaras na Biblioteca Municipal ás 11,30 horas. Pola tarde, ás 18 horas na Carpa da Alameda, terá lugar o concerto do Trío Refugallo, un grupo de música tradicional infantil. E a partir das 19,30 horas continuará a festa coa Orquestra Estelares.

O entroido guardés vivirá o seu último e máis importante día o martes día 28, co Desfile de Entroido. Neste desfile-concurso os participantes percorrerán as rúas guardesas coas súas carrozas e comparsas.  A saída do desfile será ás 17,30 horas da Esquina Famosa. Despois haberá festa coa Charanga Os Charamujas, que xa irán acompañando o propio desfile.

Dende o concello da Guarda convídase a tódolos veciños e veciñas a participar no Desfile e a desfrutar das diversas actividades e actuacións incluídas nunha programación coa que se espera que toda a vila celebre e desfrute do entroido.

Ademais, dende este venres e ata o martes 28 de febreiro, sete restaurantes da Guarda ofrecen un Menú de Entroido tanto para o xantar como para a cea, a 15 euros. Arruaz, Brisamar, Camping Santa Tecla, La Pizzicata, Novo Funil, Xantar e Xeito son os  restaurantes da Guarda que ofrecen este menú composto por un primeiro prato de caldo, un segundo de lacón con grelos e unha sobremesa tamén típica nestas festas: filloas ou orellas de Entroido, no que están incluídos viño e café.

Nota: Dos fotografías de este reportaje han sido eliminadas por petición expresa.