O PICUDO VERMELLO XA ESTÁ PRESENTE EN TOMIÑO E TUI

O día 26 do mes de xuño pasado, o autor deste artigo procedía á observar unha palmeira que presentaba as caracteristicas típicas do ataque de este insecto.

E tamén en Tui o Picudo Vermello xa se viu no casco urbano (fotografías central e inferior), concretamente no Pazo "El Pilar", na única palmeira que posúe na súa entrada. Os síntomas parecen bastante claros: decaimento da xema apical nun prazo moi curto de tempo con desecamento das follas, obsérvase algún orificio nos cortes das follas podadas. Temos que recordar que esta palmeira foi podada o ano pasado, esta practica non está recomendadae xa que os cortes recientes nas palmeiras atraen aos picudos.

Dende ANABAM pensamos que no Baixo Miño temos unhas palmeiras que deberían ter unha consideración especial por parte das administracións co fin de evitar a posible morte dos exemplares que teñan algún tipo de interese (cultural, etnográfico, exemplares excepcionais, número de anos,..). Son aquelas palmeiras que pola súa ubicación teñen un valor cultural, que forman parte do contexto paisaxistico de lugares ou edificacións singulares como poden ser as Alamedas, prazas ou edificios históricos tanto particulares como públicos, etc.

Non nos parece descabelado recomendar as persoas particulares a substitución das palmeiras de pequeno tamaño, que non deixan de ser especies exóticas con un único valor ornamental, por outro tipo de árbore xa que, a  medio ou longo prazo, economicamente pode saírlles caro o mantemento das mesmas, xa que, no caso de estaren infestadas terán que correr cos cos gastos de eliminación desas palmeiras.

A eliminación dos exemplares infestados, a grandes rasgos comprende:

A desinfección de todo-los restos de corta e os medios de transporte empregados para o traslado da palma. Estes restos se poden triturar nun tamaño menor ao do insecto ou tamén  poden ser eliminados  enterrando os  restos nunha zanxa de polo menos 2 metros de profundidade, aplicándolles un producto fitosanitario.

Mais información no seguinte enlace da Xunta

http://www.medioruralemar.xunta.es/fileadmin/arquivos/

agricultura/sanidade/plans/

PLAN_DE_ACCION_RHYNCHOPHORUS_GALICIA_2013.pdf