Na mañá do Martes día 1 de Marzo de 2016, tiña lugar no 1º andar do Mercado de Tomiño a presentación da Axenda Estratéxica de Cooperación Transfronteiriza Cerveira-Tomiño.

Neste acto estiveron presentes os alcaldes dos dous municipios, Sra. Sandra González e Sr. Fernando Nogueira, así coma unha representación municipal e autoridades.

A estratexia de cooperación transfronteiriza nace da vontade compartida pola Cámara Municipal de Vilanova de Cerveira e o Concello de Tomiño de estableceren liñas de actuación conxuntas para o desenvolvemento integral do seu territorio, dentro da estratxia Europa 2020, e que se concreta, no que atinxe ao espazo da Eurorrexión, no Plan de Investimentos Conxunto Galiza - Norte de Portugal.

O propio proceso de elaboración da Axenda Constitúe unha oportunidade parapensar de xeito innovador e flexible, o deseño dun futuro sostible deste espazo ribeirán con metas, obxectivos, e accións coherentes e realizables, mediante unha participación aberta e empla, promovendo a implicación dos axentes sociais e económicos dunha e outra beirado río.

No contexto da Eurorrexión, o territorio Cerveira - Tomiño vense a integrar nun espazo comarcal máis amplo: o Val do Miño Transfronteirizo ocupando un lugar centrado non só dentro deses dous territorios, só en apariencia afastadospolo río, senón tamén no que atinxe a dúas das áreas funcionais máis importantes da Eurorrexión, como son Vigo e Porto - Braga. Cuestión que se considera importante para caracterizar correctamente a potencialidade deste rerritorio que conforman o Concello de Tomiño e Cerveira.

No Eixo 1, establécese o Río Miño coma recurso común a potenciar, mediante as liñas de actuación están: Protección e valorización integral do espazo fluvial como base do desenvolvemento sostible, Basear a oferta terrritorial na promoción dos valores naturais , culturais, económicos e históricos do río e Potenciar o atractivo turístico e de lecer con accións conxuntas.

No Eixo 2, a mobilidade transfronteiriza e o desenvolvemento territorial sostible, acadaráse coa promoción de modos de transporte público transfronteirizo inseridos nos sistemas metropolitanos, afortalar os centros urbanos de Vilanova de Cerveira e Tomiño e a mellora da accesibiidade e mobilidade para tod@s.

No Eixo 3, traballaráse na xestión compartida dos servizos e equipamentos públicos locais, mediante unha xestión conxunta das infraestructuras, equipamentos e servizos existentes no ámbito dos respectivos concellos, promoción da cohesión social e a igualdade de oportunidades mediante programas conxuntos de dinamización e intervención así coma a coordinación na protección fronte a emerxencias e xestión de riscos.

No Eixo 4, un desenvolvemento económico desde a cooperación intelixente, melloraráse a cooperación pública e privada, clave do desenvolvemento sostible, a actividade industrial e agraria como fundamento  da economía local, o turismo como actividade complementaria na estructura económica local e o emprego e inserción laboral como obxectivo fundamental.

Esta candidatura ó Programa Operativo Europeo de Cooperación Trasfronteiriza (POCTEP)- INTERREG V-A ten previsto un custe total de 593.026,44€, agardándose un cofinanciamento dun 75% con cargo ós fondos FEDER da Unión Europea.

Tomiño e Cerveira tamén participan noutra candidatura, que a Deputación e CIM Alto Miño, presentaron baixo o nome de VISIT RIO MINHO, un proxecto de formación do parque transfronteirizo Castelinho-Fortaleza, que foi presentado o pasado dia 13 de febreiro en Tui polos presidentes de ambas institucións e mais o deputado-delegado para a cooperación trasfronteiriza no Miño, Uxío Benitez. 

	Fotógrafo:	Jorge Alonso Daldea
	Fecha:	1 Marzo 2016
www.infomiño.com © 2016. Todos los derechos reservados.	Cámara:	Canon EOS 350d
Ver album de fotografías aquí