O AECT Río Minho reúnese coa secretaria de estado de Portugal para a valorización do interior para reforzar a vontade de aplicar o iti transfronterizo

Repasando o camiño emprendido, a nivel de accións, actividades e proxectos, o director da AECT de Rio Minho, Uxío Benítez, subliñou que, na lóxica do desenvolvemento integrado, "é esencial que para o período 2021-2027, os territorios transfronteirizos poidan aplicar a figura do Investimento Territorial Integrado (ITI) promovendo accións artelladas no seguinte período de programación de fondos comunitarios e non limitándose só á verticalidade da aplicación da posible nova xeración do programa INTERREG".

Segundo indicou Benítez, o Investimento Territorial Integrado (ITI) é un instrumento de xestión que permitirá optimizar e integrar fondos europeos garantindo o seu máximo aproveitamento. Para a súa implementación, lembrou o presidente do AECT, é necesario contar cunha serie de requisitos que o agrupamento cumple perfectamente, xa que "ademais de contar cunha situación xeoestratéxica e un enorme potencial de desenvolvemento económico do territorio, temos un documento estratéxico e unha folla de ruta co que queremos facer de aquí ao 2030".

"A creación dunha ITI para o territorio transfronteirizo durante o próximo marco comunitario dos Fondos Europeos encaixa perfectamente co noso proxecto", insistiu Benítez, quen manifestou a importancia de que exista unha alianza estratéxica cos estados, porque estes teñen a decisión final sobre a súa aplicación, "pero tamén co resto de administracións rexionais e locais", polo que instou a todas elas a comprometerse con este proxecto "xa que aí está a clave".

Pola súa parte, a secretaria de Estado de Valoración do Interior, Isabel Ferreira, salientou a importancia que supón para o Goberno portugués a cooperación transfronteiriza, concretamente a través da creación do Ministerio de Cohesión nesta lexislatura, e manifestou a súa disposición a colaborar e apoiar a AECT Rio Minho. Asegurou que ten en conta o papel que as AECT poden xogar como instrumentos privilexiados de cooperación no proceso de programación para o próximo período de fondos comunitarios 2021-2027.

Dende a súa recente constitución, o AECT Río Minho colabora en tres proxectos cofinanciados polo Programa Interreg V A dirixidos a promover o patrimonio cultural e natural transfronteirizo; á articulación do espazo común e o aumento da cohesión institucional no seu territorio; á promoción do territorio da AECT de Rio Minho no exterior para potenciar os recursos endóxenos; e á creación e consolidación da marca turística transfronteiriza Rio Minho.